كك
كـــلام جــــــارج
شعـــر مصطفى هاشم الجابري
________________________________
كلام الشعر ليــه بقا مر ... وطعم الحرف بقى عــادم
ما ياما سنين علينا تمـر ... ودوقــنا المـــــر والعــادم
********
حـروفك مالها يا قصـيدة ... بقت تبكـــي بدل دمعي
وعامله لحـــرف فاء صيده ... فضــاع الفرح في سمعي
قلم شعري اللى كان لونه .. بلون الضحكة في شفايفك
صبح لونه بسـواد كــونه ... ضعف خطه ومش شايفك
********
انا الشاعر ومش شـاعر .. بشيء ينحـــس جــوَاكِ
حروف شعري لها مشاعر ... بحس ألمهـا في جَـواكِ
أنا والشــعر ليه تايـــهين ... في سكة شعبنا الواحــد
لعبتـوا في عقــــلنا بالدبن ... قسمتم شعب كان واحد
********
أنا وحــروفي خــــدامــك ... فــــدليـنا على الصــــالح
وأعيش عمــري كخـــدامك ... لو الدولة دي تتصــالح
كلام الشعر كده بقى مر ... وطعم الحرف بقـا عـادم
كفاية بقا اللي عدى ومــر .. ودوقــنا المـر والعـــادم
******
كـــلام الشعر لو يجرح .... أنا هتكتب حروف سكاكين
ولا أجامـــل ولا أمــزح .... وقلب الــدولة فيـــه سكين
غريبــة لو تكون تفـــرح .... وســــايل دم للمســاكين
دي بلدك أوعه يوم تسرح .... و تقسمــها لــــدولة ودين
*******
ولا الأول ولا التـــــاني .... ولا التــالت ولا الستيـــن
مدام في مجني أو جاني .... وشعب اعتـاد لسب الدين
هتفضـل دايمـه أحـزاني .... على الدولة وع المسـاكين
يا رب احمـينا م الجاني .... ومـمـــــا تفعل الشياطين
******
بنـدعي ربنــا الرحمــــة .... ومش موجودة وســطينا
بنـاكل بعضنا ف زحمـــة .... كمـا اللحمة و عضـــينا
كــلاب الأنس ليه احمي .... فطبــع الكلـب يـوفيـــنا
أخـاف مني الكلاب تزعل .... بتوفــي وإحـنـا ما وفينـا. !
******
كلامـي ده سم وبيوجع .... ويمــكن يزعــل أصحــابي
لكن جواي شيء أوجــع .... فــكل الشــــعب أحبــابي
ونفسي بلدنيا يـوم ترجع .... وعذري نبـــــل أسبــابي
فســـامحوني إذا يغــــلط .... عذاب الكل ده عـــذابي
******
تعـــالوا نبص ع المجـــرم .... ده لابس لبســــنا فنـــا
كمــا الحــرباية يتنــــكر .... بقبـــــطينــا وسلفـيــنا
وزاد الطــينة بل اكـتــر .... لمــا تنـــــكـر بجندينا
أنا من كــــل ده أكــــبر .... فـــلا للجهــل يفتينــــا
******
إذا كذبنـــا قـــــول الله .... فـــــــأي ديانة تــــــؤوينا
وأي إلـه ينــصـــــــرنا .... وهــــذا الـكفــر يغـــــوينا
إذا كــــذبنا من قــــــالَ .... بخيــــر الأرض جنـــدينا
فمن للأرض يحرســها .... ومن م الغــيب يحــــمينـا
******
أنا أســـف يا كل الناس .... كــلامي عــــارفه طعم السـم
يزعل ناس ويرضي ناس .... وده طبيعي فموش ح يهــم
كـلام وكتبته بالإحساس .... يحســـه اللي عنـــــده دم
ولو منه القليل يزعـــل .... ما يزعل ولا حتى يــــذم
******
حاولت أبعد عن الساسة .... وقلت أكتب كلام عـاطـف
أتاري الحـــب ده سيـاسة .... ولازمه شعب مُتــــكاتف
كرهت الحــــب وأسـاسه .... مافيش لا حد متــعــاطف
أنا أهــــــله وأنا ناســـــه .... وغصبٍ عنكم أتعاطف
******
تخافـوا ليــه من بكـره .... وبكـــره يـصنعه مـــبارح
صنعتــم أيه للذكرى .... يا أســواء ذكره في الـــرايح
أنا مبــارح وأنا بكـــره .... أنا الشاعر فـَ ليــه أســامح
وأنا حـــــــذرت م الأول .... وقلتــلكم كـــلام جـــــارح
كلمات الشاعر
مصطفى هاشم الجابري
الأحد نوفمبر 17, 2024 9:53 pm من طرف 
موضوع: كلام جـــارح 
