كلام جـارح .!

كلام جــــــارح .. !
_________________________________________

ولا الأول ولا التـــــــــــاني .... ولا التــالث ولا الستيـــن

مدام في مجني بلا جاني .... وشعب اعتـاد لسب الدين

هتفضـــل دايمـه أحـزاني .... على الدولة وع المسـاكين

******************....********************
بنــدعي ربنــا الرحمــــة .... ومش موجـــوده وســــطينا

بنــاكل بعضنا ف زحمـــة .... كـــلاب إحنــا و عضـــــــينا

أخــاف مني الكلاب تزعل .... بتوفـــي وإحنـــا ما وفينـــا

******************....********************

كلامــي ده سم وبيوجع .... وممــكن يزعــل أصحــابي

لكن جـــــــوايا انا أوجــع .... فــكل الشـــــعب أحبــابي

ونفسي بلدنيا يـوم ترجع .... وعذري نبــُل أســــــــبابي

******************....********************

تعالوا نبص ع المجـــرم .... ده لابس لبســـــــــنا فنـــا

كمــا الحــرباية يتنــــكر .... بقبـــــــطينــا وسلفـــــــينا

وزاد الطــينة بل اكثـــــــر .... لمــا تنــــــكـر بجنـــــدينا

******************....********************

لما نكــذب كـــلام الدين .... فـــــــأي ديانة تـــــــؤوينا

وأي إلـه ينــصـــــــــرنا .... وهــــذا الكفـــــــرُ أوينـــــا

إذا كــــذبنا من قــــــــــالَ .... بخيــــر الأرض جنــــدينا

******************....********************

أنا أســـف يا كل الناس .... كـــلامي عارفه زي السـم

يزعل ناس ويرضي ناس .... وده طبيعي فمش حيهــــم

كلام وكتبته بالإحساس .... يحسه كل من فيه دم

******************....********************

كـــلام الشعر لو يجرح .... أنا هتكتب حروف سكاكين

ولا أجامـــل ولا أمــزح .... وقلب الــدولة فيـــه سكين

غريبــة جد أكون بفـرح .... وســــايل دم للمســاكين

******************....********************

حاولت أبعد عن الساسة .... وقلت أكتب كلام عـاطـف

أتاري الحب ده سيـاسة .... ولازمه شــــعب مُتــعـَطف

كرهت الحب وأسـاسه .... مافيش لا حد متــــــــعاطف

******************....********************

تخافـوا ليــه من بكـره .... وبكـــره بيصنعه امبــــــــارح

صنعتــم أيه للذكــــرى .... وكلنا ذكــــــــرة الرايــــــــح

أنا أسف فعنـــــــواني .... من الأول كــــــلام جــارح ؟

*****************************************

شعر مصطفى هاشم الجابري

سلام أخي مصطفى هاشم
***
وكلامك صحيح جارح بس للأهدافه

وإوعى تفكرالأفكار في الكبر صفافه

ولا صفاقة لمسار نهايته على أكفافه

والشاعر واجبه يجود بلسانه وأعفافه

عساه إكفافه و يعود النيل لأقصافه.

***
شكرًا لأفكار عساها المخرج ووضعًا عافت لأوصافه.

أخي العزيز الشاعر / مصطفي هاشم
عمل جميل أخي
في انتظار جديدك

والله صدقت اخى مصطفى
نص ينزف الم .. ولكن ثق دائماّ فى الله سبحانه وتعالى
فلن يخذل مصر ابداّ .
مودتى وتحيتى ...

» أحلى كلام يتقال هوا كلام الله
» كلام
» من غير كلام
» دا مش كلام الفلسفة
» آخر كلام