بطل { لأدوار النداله }

وقلت يا واد .. مايمنعشى
اطل براسى من نعشى
وهوه معدى بالصدفه
على البلاتوه
لقيتك فى المكان قاعد
ومتواعد مع منتج
اكيد حا يتوه
ومش راجع
عطالك دور على عودك
وموعودك تقوم بالدور
وحا تأديه ..
ماهو طبعك ومنقوع فيه
ومتفصّل عليك جداّ
ولايق لك .
ودورك .... ندل بيحاول
يكون انسان .. وراح يفشل
يشوف النعش قدامه
ومستخسر يوصلنى
ويقرا الفاتحه او يجى
يودعنى ..
ويدعى ليّه بالرحمه
مع انى ..
باشم لسّه بارفانى
فى ورقه بمدنه وبمِيّه
لسانها مطلعاه ليّه
وبتغيظنى
وراح تسحبها وتحاسب
على شوبين عصير خلاط
حا تطلبهم .
ندالة { استيفان روستى }
فى دور { شفشق مع فاتن }
ومخلوطه على خيانة
فريد شوقى فى دور { بلطاى }
مع { ايبك }
وحا تحاسب .. وحا تسيب له
اكيد بقشيشك العادى
تسيب خنجر { شاهين } اللى
بيرميه لجل يقتل به
{ هلالى } ريس المركب
ويخطف قلب { ياسمينا }
فقلت .. انت .
ومش ممكن حا تتغيّر
حا تفضل برضه هوّه انت
دخلت براسى من تانى
وغطيتها
رفعت صباعى بتشاهد
وانا ميت
عليك ... انت ...
......................................
4 / 12 / 2008

أستاذي العزيز الشاعر / عادل عوض سند
أطال الله عمرك أستاذي وأمدك بالصحة
عمل ممتع بصدق
كل كلمة وكل صورة في محلها
تاريخ كتابة القصيدة2008
وعلي الرغم من ذلك
معانيها تنطبق علي أشخاص زماننا الحاضر
في انتظار جديدك أستاذي

أوحشتنا كلماتك واشعارك الراقية والمعبرة عن الواقع
الحبيب عادل عوض سند
لك وافر تحياتي

يا عمنا بطل تشوف أفلام ههههههههه
أخى عادل انت شاعر صادق لأنك تكتب بإحساس ولا يمكن أن يصل لذلك شاعر ونصدقه
سوى من مر بتجربة مماثلة
فأنت مررت بهذه التجربة وكتبت عنها وأخدت فى التقاط أدوار ممثلين الشر فى الأفلام
وصنعت منها ضفيرة عالية الحبكة والدرامية
أحييك يا صديقي
أحسنت

أثبتها نيابة عنك
فهى أولى بذلك
خالص ودي Very Happy

أخي وأستاذي عادل عوض سند

واحشنا ياراجل.. على فكرة أنا كنت مريض لمدة أسبوعان منهم 4 ايام بالمستشفى

وكنت بعيد عن المنتدى

عمل جميل وأكثر من رائع

بس أنت حتخوفني اقول لحد بعد كده يابطل

ههههههههههههههه

لا تبخل علينا بأشعارك من وقت لآخر عشان نتعلم منك

أخوك

طارق منيب

عماد عبد الحكيم كتب:: أستاذي العزيز الشاعر / عادل عوض سند
أطال الله عمرك أستاذي وأمدك بالصحة
عمل ممتع بصدق
كل كلمة وكل صورة في محلها
تاريخ كتابة القصيدة2008
وعلي الرغم من ذلك
معانيها تنطبق علي أشخاص زماننا الحاضر
في انتظار جديدك أستاذي

الاخ الشاعر
عماد عبد الحكيم
معلش يمكن من اسباب نشر تلك القصيده ان ننبش احدهم فى الجرح
فذكرنى بندالة شبيهه فى الماضى .
وهو نص ربما فعلا ينطبق على اى شخص يتفرد بالنداله .
شرفنى مرورك واشكرك ...

خلف احمد حسن كتب:: أوحشتنا كلماتك واشعارك الراقية والمعبرة عن الواقع
الحبيب عادل عوض سند
لك وافر تحياتي

حبيبى وصديقى الغالى
خلف احمد حسن
والله انت اللى وحشتنا بجد .
فينك يا راجل ؟؟ غبت كتير والله يا خلف .
نورتنى حبيبى . ربنا مايحرمنى من مرورك الجميل .
مودتى ياغالى ...

الإدارة كتب:: يا عمنا بطل تشوف أفلام ههههههههه
أخى عادل انت شاعر صادق لأنك تكتب بإحساس ولا يمكن أن يصل لذلك شاعر ونصدقه
سوى من مر بتجربة مماثلة
فأنت مررت بهذه التجربة وكتبت عنها وأخدت فى التقاط أدوار ممثلين الشر فى الأفلام
وصنعت منها ضفيرة عالية الحبكة والدرامية
أحييك يا صديقي
أحسنت

اخى الحبيب الشاعر
عاطف الجندى
فعلا وعلى راى المثل :
ياما دقت عالراس طبول .
وهو فعلا نص موجه وتجربه قاسيه عشتها وتتكرر دائما .
شرفنى مرورك واسعدنى تعقيبك .
مودتى وتقديرى ..

الإدارة كتب:: أثبتها نيابة عنك
فهى أولى بذلك
خالص ودي

اشكرك على التثبيت اخى عاطف .
كل الشكر والتقدير ...

طارق منيب كتب:: أخي وأستاذي عادل عوض سند

واحشنا ياراجل.. على فكرة أنا كنت مريض لمدة أسبوعان منهم 4 ايام بالمستشفى

وكنت بعيد عن المنتدى

عمل جميل وأكثر من رائع

بس أنت حتخوفني اقول لحد بعد كده يابطل

ههههههههههههههه

لا تبخل علينا بأشعارك من وقت لآخر عشان نتعلم منك

أخوك

طارق منيب

اخى الحبيب الشاعر
طارق منيب
حمدا لله على سلامتك ونورت المنتدى .
وحاول تطمننى عليك دائما .
اشكرك على تعقيبك وقراءتك التى شرفتنى واسعدتنى حبيبى .
وحشتنا والله .. لكن نحمد الله ان طمئننا عليك .
مودتى ياغالى ...

استاذنا المبدع وشاعرنا الفاضل عادل عوض
تحيه طيبه لحضرتك
والله يااستاذى هى دى الحقيقه والواقع الذى نعيش فيه
سلمت يداك وصح لسانك
تحياتى لحضرتك
دام الابدع
ياشاعرنا الكريم

المبدع والأستاذ الكبير : عادل سند
لا اجد ما أقوله سوي انك شاعر قدير
الله عليك

اخى وصديقى العزيز وحبيب قلبى شاعرنا المتالق دائما
الاستاذ عادل عوض

تحياتى وتقديرى وشكرا على امتاعنا بتىلك القصيدة السينمائية الرائعة فعلا سيناريوهات افلام النداله زمان بتتنفذ دلوقتى على ال ....... والا بلاش الحيطان لها ودان .

دمت شاعرنا الرائع بكل خير ومحبة وسعادة ,

نص رائع أستاذ عادل كعادتنا بك

ودي وتقديري ياكبير

سلامتك شاعرنا الكبير عادل عوض سند من كل سوء
وأطال الله في عمرك
ودام قلمك الراقي أستاذنا الجميل

الشاعر المبدع / عادل عوض
قصيده تدرس في مدارس شعر
العاميه المصريه
أتمني ان تقبلني تلميذاً لك

مجدى سرحان كتب:: استاذنا المبدع وشاعرنا الفاضل عادل عوض
تحيه طيبه لحضرتك
والله يااستاذى هى دى الحقيقه والواقع الذى نعيش فيه
سلمت يداك وصح لسانك
تحياتى لحضرتك
دام الابدع
ياشاعرنا الكريم

اخى وحبيبى استاذ
مجدى سرحان
اشكرك على مرورك وكلماتك .
ما اتحرمش منك حبيبى .
مودتى وتحيتى ...

أحمد إبراهيم كتب:: المبدع والأستاذ الكبير : عادل سند
لا اجد ما أقوله سوي انك شاعر قدير
الله عليك

استاذ احمد ابراهيم
ربنا يخليك واشكرك حبيبى .
لاحرمنى الله منك .
مودتى وتحيتى ...

فوزي الشربيني كتب:: اخى وصديقى العزيز وحبيب قلبى شاعرنا المتالق دائما
الاستاذ عادل عوض

تحياتى وتقديرى وشكرا على امتاعنا بتىلك القصيدة السينمائية الرائعة فعلا سيناريوهات افلام النداله زمان بتتنفذ دلوقتى على ال ....... والا بلاش الحيطان لها ودان .

دمت شاعرنا الرائع بكل خير ومحبة وسعادة ,

اخى واستاذنا
فوزى الشربينى
ربنا يكرمك استاذنا واشكرك على مرورك الرائع
مودتى ياغالى ...

عصام سامى ناجى كتب:: نص رائع أستاذ عادل كعادتنا بك

ودي وتقديري ياكبير

اخى الحبيب استاذ
عصام سامى
اشكرك على مرورك وكلماتك الدافعه .
خالص شكرى ومودتى ...

محمد عبد الواحد كتب:: سلامتك شاعرنا الكبير عادل عوض سند من كل سوء
وأطال الله في عمرك
ودام قلمك الراقي أستاذنا الجميل

اخى وحبيبى الشاعر
محمد عبد الواحد
ربنا يخليك واشكرك على مشاركتك الغاليه .
اشكرك حبيبى .. ربنا يكرمك .
مودى وتحيتى ...

فارس القرشي كتب:: الشاعر المبدع / عادل عوض
قصيده تدرس في مدارس شعر
العاميه المصريه
أتمني ان تقبلني تلميذاً لك

اخى وحبيبى فارس الكلمه
فارس القرشى
ربنا يخليك وما اتحرمش من مرورك الغالى .
نورت متصفحى وشرفت حرفى .
مودتى وتحيتى ...