دمي بيرخص

   


دمي بيرخص فيكي يابلدي

والخاين بقي دمه ثمين

عمال يقتل ثمرة ولدي

وقاعد يهتف باسم الدين




كل رصاصة بتدخل قلبي

لازم يبقي وراها خسيس

اللي يكفر واللي يحرض

دي شيوخ عوملة بتوع تدليس




حفضل واقف بحمي ترابك

وحنقضي علي اي حقود

اصل انا واحد من احبابك

جندي شريف من خير جنود




دمي اهو سال وانا بحمي حدودك

كنت انا بفطر لقمة فول

كنت بحارب في الارهاب

كفروا فيا وقالوا فلول




متخليش الحزن في قلبك

وافرحي بابنك اصله شهيد

قومي يا امي وزفيني زفة

بكرة تعيشي في عهد جديد

ربنا يحرسك ويحميك انت وكل جنود مصر الشرفاء

من دسائس المأجورين لتدمير مصر اللي عايزين يحولوا نصر اكتوبر لهزيم ربنا يجعل كيدهم في نحرهم

تقبل تحياتي

سلوى سيد عبدالعزيز كتب:

ربنا يحرسك ويحميك انت وكل جنود مصر الشرفاء

من دسائس المأجورين لتدمير مصر اللي عايزين يحولوا نصر اكتوبر لهزيم ربنا يجعل كيدهم في نحرهم

تقبل تحياتي

شكرا اختي الغالية سلوي
مفيش حد حيقدر يحول فرحتنا لحزن
وان شاء الله نحتفل بنصر اكتوبر المجيد
حنحتفل مع جيشنا العظيم
خير اجناد الارض

أحمد عطا كتب:

أحلى كلام يا إيهاب والله
كلو تمام وفـ قلب الجووون
أنا عن نفسي بحب كلامك
والله يا هوبا كسبت زبون

والله انت دائما بتنورني
بتعليقاتك وكلماتك الجميلة
ربنا يخليك اخي الكريم احمد
شكرا جزيلا....

الاخ الشاعر بهاء الدين
تحيه طيبه لحضرتك
نعم صدقت فيما قلت
ربنا يرحم جنودنا الصائمين ويدخلهم فسيح جناته
للاسف هم ينكرون قتلهم مع ان احد الزعماء لهم قال على الملأ ان خرج الرئيس
تقف عمليات القتل فى سيناء
اخى الكريم سلمت يداك
دمت بخير وسعاده

************
وعجبي وفى العجب منه بتعجّب
على ناس كتير في الضِل بترتب
وتتغير مع التيار منين ما يروح
في زمن البوح بتكفر وتتحجب

مجدى سرحان كتب:

الاخ الشاعر بهاء الدين
تحيه طيبه لحضرتك
نعم صدقت فيما قلت
ربنا يرحم جنودنا الصائمين ويدخلهم فسيح جناته
للاسف هم ينكرون قتلهم مع ان احد الزعماء لهم  قال على الملأ ان خرج الرئيس
تقف عمليات القتل فى سيناء
اخى الكريم سلمت يداك
دمت بخير وسعاده

************
وعجبي وفى العجب منه بتعجّب
على ناس كتير في الضِل بترتب
وتتغير مع التيار منين ما يروح
في زمن البوح بتكفر وتتحجب

شكرا لحضرتك استاذ مجدي
وان شاء الله ربنا حينتقم من كل قاتل
ومن كل محرض
ويارب انصر مصر وجيشها وشعبها

عادل عوض سند كتب:

   

                  الله عليك يا بهاء
جميل قوى .. تسلم ايدك .
بس الواضح انك عشقت البحر المتدارك ..
اريدك ان تنوع كتاباتك اى تستخدم بحورا اخرى وتغير موسيقى الشعر .
بس والله بتسعدنى بنصوصك الجميله ..
ربنا معاك والى المزيد من التقدم والتألق .
مودتى وتحيتى ..                                                        

شكرا استاذي العظيم لتعليق حضرتك
وان شاء الله حنوع في الكتابة
بس مستني نصايح حضرتك ليا
شكرا جزيلا لحضرتك
ربنا يخليك ليا يارب