حكـــاية وطـــن

بعد الصلاة ع النبى يحلى الكلام والقول
نبدأ حكاية بلد ليها تاريخ وأصول
ومن الاف السنين كات دولة مشهورة
والدنيا من شرقها لغربها فى ذهول
ـــــــــــ
لكن ويا للأسف كان شعبها مطحون
كانوا ورث بيسلمه فرعون لإيد فرعون
وأصل طبع العبيد مالهمش فى الشورى
ودس عرق الهوان فى الحر والمسجون
ــــــــ
وبعد كام الف عام م الذل والجبروت
هبت نسايم أمل صحت نفوس م الموت
نفضت ركام العبل وصرخة محشورة
قادر وتحيى العظام يا خالق الملكوت
ــــــــ
الشعب داق الكرامة اللى اتحرم منها
وزاح فراعنة أزل من دمه سمنها
فضلوا عبيد البلاط والحظوة مذعورة
طبطب عليها بحنان وبرحمة طمنها
ــــــــــ
وأصل طبع العبيد ما يعرفوش غيره
سيدهم ولو ذلهم إتمرغوا ف خيره
وسابوا كلب الملك يا خيبة الأخيار
ينهش ارادة وطن ورمزها أسيره
ــــــــــ
طلعت الحداد

اخى الشاعر
طلعت الحداد
نص لا يكتبه إلا شاعر متمكن .
واريد ان اوضح .
ان الله دائما ينصر الحق ..
والذى حدث لمصر هو انقاذ من الله سبحانه وتعالى وان رفضه البعض
تحيزا او تعاطفا فليس معناه ان مصر فى طريق الخطر ..
بالعكس نحن الآن على الاقل لايحكمنا الإرهاب والتطرف والعقول الخربه .
مودتى وتحيتى ...