أهداء ( للطالب البطل )

بشنطة ف صف إعدادى
وواقف جوه مدرسته
بأيده بالقلم يكتب بألوانه وكراسته
لكنه شاف ف أصحابه
ولاد وبنات بيضربوا
بغاز يخنق وبالخرطوش
وبالأيد اللى تتقطع
وجيش جروه من الخندق
لمنع الرأى ف تجمع
فيستعرض كده القوة
على الأستاذ وفلسفته
وع الناظر وع الفراش
وحالف يلغى أنشطته
وغاظ الظابط المغوار؟؟
أشارة رابعة من إيدك
فقام مذعور وشد سلاح
وقوة من رجال أفذاذ؟؟؟؟
عشان تلميذ بإعدادى
بكل براءة بيردد
أنا مصرى ومن نيلها
باعيش ع الحب من خيرها
ومش خايف من التعساء
ولا من حكم عسكركم
أشارة رابعة كيداهم
عشان بيشوفوا عمايلهم
ودم أخوتنا وولادنا
كابوس ف النوم يطاردهم
ويعلن من وريد نازف
خلاص الثورة حاصرتهم

أخي العزيز الشاعر / منصور غيضان
عمل ممتع أخي
---
أشارة رابعة كيداهم
عشان بيشوفوا عمايلهم
ودم أخوتنا وولادنا
كابوس ف النوم يطاردهم
---
أبدعت
هذا هو ما يحدث فعلا

و الله العظيم اخي منصور الواحد مش عارف يقول إية

الجيش بتاعنا أبن الهبلة ساب دورة الأساسي

وبقي يطارد تلاميذ الأبتدائي والأعدادي ربنا يزدة هبل

وانا برد عليك دلوقتي المتخلف التاني اللي أسمة وزير

الخارجية عمال يهرتل في الأمم المتحدة علي الجزيرة

اللي أختشوا ماتوا

نحن نتعامل ياعزيزي الأن خارج نطاق المنطق

ودي وتقديري

الماضي مؤلم

والحاضر أكثر ألماً

والمستقبل .. أنا في قمة التشاؤم

أدعي ياأخي منصور.. تحية لقصيدتك الرائعة

ودم أخوتنا وولادنا
كابوس ف النوم يطاردهم
ويعلن من وريد نازف
خلاص الثورة حاصرتهم

احسنت استاذنا
كل التحايا

اخى الشاعر
منصور غيضان
نصوصك الاخيره حسستنى اننا قد اُستعمرنا من جديد ..
وان اليهود هما اللذين يحكموننا ..
لكن .. ان الله دائما ما يخذل المتآمرون .
مصر سوف تبقى مرفوعة الرأس ولن يثنيها احد ولن يركعها احد .
وصدقنى واقسم بالله .
مصر تعرف جيدا من هو عدوها ومن هو من يخاف عليها ..
مصر اكبر من الوصايه .. ولا تقحم الاسلام فى الوسط .
فهذا الاهطل المدعو مرسى لن يأتى بالاسلام  ولم يفعل شيء له ..
واقول الله ينور عليك .. وتسلم الايادى ..
وقبل ان تقولها انت .. اقولها لك والله عليم بالنوايا ..
وتتشل الايادى .. اللى بتحرق بلادى ..
مودتى وتحيتى

الأستاذ الكبير / عادل سند

لن أتنازل عن رأيى لقاء أى شئ ولن أكون أبدا من الذين يتحدثون باسم مصر وشعبها دون حق أو تفويض

قصائدى هى بنات فكرى وفكرى مستمد من عقيدتى وعقيدتى فى قلبى لا يحاسبنى عليها إلا الله

أما محاولتك جرى للرد على السخريات والشتائم والأهانات للسيد الرئيس المنتخب شرعيا وليس

من الذين جاءوا على دبابت جيشنا أو ورثوا الحكم عسكر من عسكر فلن تفلح لأنى تعود أحترامك فلن يذل لسانى بشئ غير ما قدمت وسيكون الأخير فى هذا السياق وهذه المرة لن أقولها بل مباشرة سأقول

تتشل الأيادى اللى بتقتل ولادى
سجلوا ف كتاب تاريخنا واحكوا للناس دولا مين
دولا قتلوا ولاد بلادنا دولا خانوا المصريين
حتى مش بيراعوا حرمة راكعين أو كانوا ساجدين

دمت بخير
...[/color]          [/size]                 [/b]                             [/center][/quote][/b][/center][/size][/color][/font]