أقطع دراعى لو فهمتوا الفولة (زجل)

أقطع دراعي لو فهمتوا الفولة
ياعقول ضلولة والقلوب مقفولة
سامعين لصوت الحق دايما باطل
وحبال باطلكم ع الدوام مفتولة

أما اللي فاهم فيكو ماسك جمره
الفكر فاسد. لأ وعايز عمره
بيخاف يقول للغولة عينك حمره
والحمره (إيدك) والا عين الغولة
أقطع دراعي لو فهمتوا الفولة

مصدر ضلالكم من عقولكم جالكم
أتباع لسادة واللى ساد أرزلكم
بالإنقلاب الفل غير حالكم
حرية التطبيل بقت مكفولة
أقطع دراعى لو فهمتوا الفولة

إعلام وقف للثورة من بديتها
تشويه بيكتم صوتها ويبكتها
دى القحبة لو تابت مسمع صيتها
فى دولة التعريض تكون مسئولة
أقطع دراعي لو فهمتوا الفولة

ضللتوا ناسنا بالقناع العيرة
وش الطيابة تحته كدب وغيرة
وانتوا الحقيقة والضلال ف جزيرة
ف التانية يكمل كدبكم ف الأولى
أقطع دراعي لو فهمتوا الفولة

مين في يناير يا رمم أنصفنا
وانتو اللي كنتم سبابين أوصافنا
واللي انتقصنا عمره مايشرفنا
ولا تصبح الخايبة في يوم شملولة
أقطع دراعي لو فهمتوا الفولة

أما الخداع والغش شئ شيطاااني
والفوتوشوب بيصدقه شيطاني
وابقا اللي شايط والصور شيطاني
وعقول بتعقل حاجة مش معقولة
أقطع دراعي لو فهمتوا الفولة

من د الضلال أسخر ويضحك نابى
والــدم ســـــــايل ع العلم عـنــابى
والتهمة جاهزة ياالوطن . إرهابى
كدب وكماين ع الشاشات معمولة
أقطع دراعي لو فهمتوا الفولة

والأخ يسمع للكلام ويردد
دايما لكدب الكدابين متشدد
ويفوض السيسي وييجي يعدد
يوم يلقا خوه جثة وكات مسحوله
أقطع دراعي لو فهمتوا الفولة

من مدعي الإبداع خد التأشيرة
تلقانا شعب ذليل وهم الخيرة
شعبين ياعالم ؟! تسلم التعميرة
واللذة والمزة وناس مسطولة
أقطع دراعي لو فهمتوا الفولة

انتوا الثقافة وانتو سطح الأمة
والعلم تحت الفيلم يصبح رمة
لا للعجب. والعالمة فوق القمة
والعلم ناسه ف شرعكم مهبولة
أقطع دراعي لو فهمتوا الفولة

ياسوق نخاسة وبياعين اللذة
فين النجاسة م الشرف والعزة
فاكرين دموعكم لما كانت نزة
وقلوبكو ع المخلوع كانت مشعولة
أقطع دراعي لو فهمتوا الفولة

ست العرايا المحصنة ف أفلامنا
أم النهود جعلوها من أعلامنا
ف الدرس حتدرس وسط إسلامنا
ع النص والواحدة وع الشخلولة
أقطع دراعي لو فهمتوا الفولة

أهلا بشرطتنا وأمن الدولة
أسياد نظام الظلم بالخير أولى
راجعين بسوط القهر لمااستولى
نفس الرتب في يناير المقتولة
أقطع دراعي لو فهمتوا الفولة

أفلام زمان رجعت وحلوا الكيسة
مقتل أمين شرطة وحرق كنيسة
والحشاشين يتعزوا والهليسة
والحر يلبسها وإيديه مغلولة

أمرك ياباشا ذل فينا وسيطر
وبلاش ياثاير تيجى تعمل عنتر
لا الباشا يعملهم عليك ويطر...
وتكون عميل تتزق ف الأمبولا
أقطع دراعي لو فهمتوا الفولة

كاره لثورة شعب طالت عزك
راجع بنارك لجل تارك وزك
لا حرمة للمسجد ودم يهزك
وإيديك بدم المظلومين مبلولة
أقطع دراعي لو فهمتوا الفولة

والقاضي راضي بالفساد ياسيادنا
وازاي حيرضى بحد أقصى وأدنى
والواسطة باقية رغم أنف ولادنا
والعقدة ف المنشار ومش محلولة
أقطع دراعي لو فهمتوا الفولة

يامصر ف جدورك ورم مستوطن
فساد فزاد فاعتاد يعيش متسلطن
والحق شاهت كلمته واتشيطن
ومقاومتك يافساد مهيش بسهولة
أقطع دراعي لو فهمتوا الفولة

غلطان يامرسي رغم تقل الشيلة
ضعفك وطيبتك وقعوك ف النيلة
ووثقت ف الخونة وشيلت الليلة
واحنا بغباء صدقنا كدب القولة
أقطع دراعي لو فهمتوا الفولة

الحرب ع الإرهاب دا سيم أمريكا
والل يغازلها عميل خسيس أو سيكا
والحق باقي ماتمحيهوش أستيكا
وانت اللي زايل وسط دول أو دولا
أقطع دراعي لو فهمتوا الفولة

والجيش دا جيشنا مهما بيه تتفرعن
مش جيش بيخدم لك هواك الأرعن
حلم الزعامة مش محرم شرعا
وبرضه مش بدراعك المشلولة
أقطع دراعي لو فهمتوا الفولة

مبروك مبارك براءوك باركولنا
واللهي عال خالص صبرنا ونولنا
وسمعنا ف التهييس وقالوا وقولنا
تشفعله أكتوبر د أصله بطولة
أقطع دراعي لو فهمتوا الفولة

راعي الكلاب لو غاب يحكو ف بابه
ويحرصوله الميغة عند غيابه
إيش حال كلابه للوطن أربابه
نصبح غدا لنيابهم المسلولة
أقطع دراعي لو فهمتوا الفولة

ناس مننا . مستحليين العضة
وناس ف حضن التنبلة م الخضة
والحلوة ثورة والا ثورة مضادة؟
هى القلوب والا العقول معلولة؟؟؟
أقطع دراعى لو فهمتوا الفولة

اقطع دراعى .. الكدب مخترعينه
خاين مع كداب وحماس اهى تعينه
حابب يبيع الوطن وجماعته جايبينه
قالب فى شكل الهرم ويقول دى معدوله
وقومنا كان شعبنا هارش بقى الفوله ....

ياااعمنا ..إسمك وفعلك عادل
قبل الجدل . فند كلامى وجادل
حلو الكلام لو خد وهات واتبادل
وبلاش تردد كدب ناس مخلولة
مستفعلن مستفعلن مفعولا

لا فض فوك لا فوض فوك يا شاعر
الحق نور والنور بحسنى يجادل
كان ال (لوط) ايه ذنبهم لو فاكر
يقرا اللسان بس القلوب معلوله

إبداع
إستمتعت بهذه الكلمات علي الفيس
وإستمتعت بها الآن
أخي العزيز / حسن الجمال
في انتظار جديدك دائما
----
من د الضلال أسخر ويضحك نابى
والــدم ســـــــايل ع العلم عـنــابى
والتهمة جاهزة ياالوطن . إرهابى
كدب وكماين ع الشاشات معمولة
أقطع دراعي لو فهمتوا الفولة
----
إبدااااااااااااااااااااااااع

الله الله الله

الزجل عين المجتمع الشعبي الناقد ،، كما علمنا اساتذته العظام

أبدعت أخي حسن ايما إبداع

الحرب ع الإرهاب دا سيم أمريكا
والل يغازلها عميل خسيس أو سيكا
والحق باقي ماتمحيهوش أستيكا
وانت اللي زايل وسط دول أو دولا
أقطع دراعي لو فهمتوا الفولة

نعم أخي الشاعر الزجال الرائع ... أستدانوا من أمريكا كلمتها المجرمة المطاطة ..

الحرب علي الارهاب ،،وذهبوا يقتلون ويعتقلون ويلفقون

تماما مثلما كان الحرب علي الارهاب زريعة لإغتصاب الرجال والنساء في ابوغريب ،،

والسجون السرية في المنطقة ،،

وقتل الناس علي الهوية

عند جورج بوش ،، التلميذ تعلم من أستاذه ولكن هيهات ان يخضع شعب مصر

والجيش دا جيشنا مهما بيه تتفرعن
مش جيش بيخدم لك هواك الأرعن
حلم الزعامة مش محرم شرعا
وبرضه مش بدراعك المشلولة
أقطع دراعي لو فهمتوا الفولة

وهنا تأتي رسالتك التالية لمن يخلط بين الجيش والسيسي ويعتبر ان اعتارضنا علي قرارات

وإجرام الانقلاب هجوم علي جيش مصر نعم الجيش دة جيشنا اولادنا واخواتنا وابائنا ولكنهم

تحت جنون الانقلابيين للأسف ،، ولكني مطمئن ان بينهم من يرفض ان يعمل لهواه الارعن

فيقتل شعبه وبعتقل النساء والاطفال ويقتحم القري والمدن ويضرب بالطائرات التي دفع الشعب ثمنها من قوته

أخي حسن

والله قصيدة تستحق دراسة مطولة لما فيها من وعي وفهم ووطنية بالاضافة للزجل الماتع الرائع

سلمت يمينك ولا فض فوك

لك كل التقدير والاعجاب والاجترام

القصيدة للتثبيت لروعتها فكر ومضمونا وزجلا

الحر حر ولو حرقته بنار
والعبد يرجع تاني للأسوار
الثورة عند الحر دم وتار
والجزمة عند المهزومين مأمولة
أقطع دراعي لو فهمتوا الفولة

أعجبتنى القصيدة رغم اختلاف الرؤية ووجهة النظر
لكن يبقى الشعر
فاقبلوا منى هذه المجاراة الأدبية وليس الخلاف السياسى
.............................................................

بترولنا راح لحماس بماسورة تملا بحور
وخيانة الأوغاد تملا سطور وسطور
كان فاكر ان البلد راح تلبس الطرطور
كان جاى يرعى جنابه
فى أتة محلولة
أقطع دراعى لو فهمتوا الفولة
.......................
ريس وخان البلد وكمان طلع كداب
النهضة طلعت سراب أو ربع كيلو كباب
الله يخيب سيادته ويحرقة بهباب
دى النهضة طلعت مؤامرة أو حيلة مشلولة
أقطع دراعى لو فهمتوا الفولة
...................
قالوا الشريعة تكون حكم البلد وقانون
ولا شفنا شرع اتكتب بإديكوا يا ( شيخون )

شفنا رئيس اتهبل بالسلطة أو مجنون
وجماعته قامت تقتّل بعزيمة مهبولة
أقطع دراعى لو فهمتوا الفولة

..........................
قطعوا الطريق عندنا جوه مدينة نصر
عملوا جرايم كده مالهاش عدد ولا حصر
ويصلوا قال والنبى
واقف هنا من العصر
بيصلى خلف الرئيس بالذمة معقولة ؟
أقطع دراعى لوفهمتوا الفولة
.....................................
جبريل وقال كلمته هيعود لكم مرسى
مالى ِكَدا مركزه
ومزين الكرسى
جبريل كدب ولا أنا بحكى بلغة فارسى ؟
فين العقول عندهم ؟ تلقاها مقفولة
أقطع دراعى لو فهموا الفولة

نص زجلي جيد بما فيه من نقد من وجهة نظر الكاتب - و لكل منا وجهة نظره نختلف و لكن يبقى الشعر و الإبداع - و أعجبني مجاراة أساتذتي للزجال المبدع ...

أعجبني ما كتبه أستاذ عادل و ما كتبه أستاذ محمود جمعة و ما كتبه صديقي و أستاذي الدرعمي عماد عناني

بوركتم جميعا

محبتي

السلام عليكم
اعتذر لتأخر الردود واسمحوا لى أن أرد أولا على رد الاستاذ عماد عنانى

.......................................................................

عماد عنانى عنانى كتب:: أعجبتنى القصيدة رغم اختلاف الرؤية ووجهة النظر
لكن يبقى الشعر
فاقبلوا منى هذه المجاراة الأدبية وليس الخلاف السياسى
.............................................................

بترولنا راح لحماس بماسورة تملا بحور
وخيانة الأوغاد تملا سطور وسطور
كان فاكر ان البلد راح تلبس الطرطور
كان جاى يرعى جنابه
فى أتة محلولة
أقطع دراعى لو فهمتوا الفولة
.......................
ريس وخان البلد وكمان طلع كداب
النهضة طلعت سراب أو ربع كيلو كباب
الله يخيب سيادته ويحرقة بهباب
دى النهضة طلعت مؤامرة أو حيلة مشلولة
أقطع دراعى لو فهمتوا الفولة
...................
قالوا الشريعة تكون حكم البلد وقانون
ولا شفنا شرع اتكتب بإديكوا يا ( شيخون )

شفنا رئيس اتهبل بالسلطة أو مجنون
وجماعته قامت تقتّل بعزيمة مهبولة
أقطع دراعى لو فهمتوا الفولة

..........................
قطعوا الطريق عندنا جوه مدينة نصر
عملوا جرايم كده مالهاش عدد ولا حصر
ويصلوا قال والنبى
واقف هنا من العصر
بيصلى خلف الرئيس بالذمة معقولة ؟
أقطع دراعى لوفهمتوا الفولة
.....................................
جبريل وقال كلمته هيعود لكم مرسى
مالى ِكَدا مركزه
ومزين الكرسى
جبريل كدب ولا أنا بحكى بلغة فارسى ؟
فين العقول عندهم ؟ تلقاها مقفولة
أقطع دراعى لو فهموا الفولة

_________________
الشعر أقوالى ... وقلبى حالم ..... والعشق فن .. فيه قلبى عالم
[[size=24]/size]

...............................................
أشكرك ياأستاذ عماد على مرورك الكريم وإعجابك بالفصيدة وردك
وإليك ردى
..............................
إسمع وردد كلام إعلامك الهلاس
عن مسلمين ف حصار شاربين مرار الكاس
بتلوم لدعم المقاومة ويا .ناس غزة
أصل اسرائيل لينا عزة والعدو حماس!!!

بترولنا رايح لنجدة غزة ياسيدنا
يشفى جرايح ناس ف حصار على حدودنا
مابين جدار اليهود وحدودنا برضه جدار
وهوا يعنى الحصار ياعم يسعدنا

عامل الهك وتاجر تربح البيعة
ليه لما تنعق حناجر نبقا سميعة؟
شوف غزة فين ع الخريطة. شوف مساحنها
لو مصر لوح شطرنج فيه غزة تربيعة

إسمع ساويرس يقول . مين مول الأزمة
فى تصريحات معلنة بالباكو والرزمة
أنا قولت لما رأيت راس العبيد مقلوب
الكيف دا نوع مضروب أثر على الجزمة

الأمر كان ف العلن مش سر أو ألغاز
محسوب بورقة وقلم شئ مش بكيف من عاز
حاكموا اللى ساعد وناصر مسلمين غزة
تعظيم سلام للى صدر لاسرائيل الغاز

وأما إنك تخوون! مين عطاك سلطان؟؟
وإيه دليلك وفين الحجة والبرهان؟
والنهضة نهضة وطن مش بيت ولا عمارة
ماهيش بضربة عصا تتزلزل الأركان

أما الشريعة ياسيدى فكرهم والحق
تطبيقها بالحسنى ماهوش بالزعيق والزق
وأما قولك بأن . بالسلطة جاله جنون
طب لبه سكت ع السباب . ولم بطش أو دق

وفين ياسيدى الجماعة لو بتقتل فين
وزاى حتقتل ف خلق معاها ف الميادين
ودا جزء منهم مابين الناس بيتظاهروا
والباقى هارب وبين ميت ومعتقلين

أما اللى قال جبريل ف الحلم كان جاله
والا اللى قال النبى ف الرؤية شئ قاله
دا شئ مابينه وبين ربه وهوا حسيب
إن صدق له محسوب وان كدب فاعماله

أما ياسيدى التظاهر حق كان مكفول
والاعتصام ف الطرق دلوقتى مش معقول؟؟
ونسيت يناير ف كل طريق وف التحرير
وبرضه من بعدها دلوقت مش مقبول

بتقول جرايم فصددق كل قول كداب
تشوسه وتلفيق وذل وقهر. شرع الغاب
تخويف وترهيب وباقى الخلق ف التغييب
علشان يبرر لكدبة حربه ع الإرهاب

اخى العزيز الشاعر الزجال المتألق دائما
الاستاذ حسن الجمال
تحياتى وتقديرى وشكرا على تلك القصيدة الزجلية الرائعة رغم اختلاف وجهة النظر التى نحترمها جميعا فيما لو اختلفت الاراء .

ودمت شاعرنا الرائع بكل خير ومحبة وسعادة ودام ابداعك الرائع .

أخى الحبيب وشاعرنا الراقى / حسن الجمال
لاأجد من الكلمات مايستطيع وصف إعجابى بهذه الزجلية الرائعة
إلا أننى أؤكد أنك شاعر تمتلك جميع مقومات الشعر والشعور والشاعر والمشاعر
فهنيئاً لك بما تملك ، وهنيئاً لنا أن مانقرأ لك ونستمتع به معك ..
أخى الحبيب استسمحتك على صفحتك فى الفيس ببعض المشاركة
وسمحت لى .. فشكراً لك
راجياً أن يليق ردى بقدركم وقامتكم ومقامكم ...
مع خالص محبتى وجل تقديرى والورود

أخوكم
الطبيب الشاعر المصرى/ د.محمد رزق

الشاعر الواعِر والزجّال المُتمرّس / حسن الجمال...أقولها لك كما كنت أحب أن أُرددها لشاعرنا الكبير (محمود قطب / أبو سلمى) ردّ الله غيبته...(فإذا وقفُت أمام حسنك صامتاً ... فالصمتُ في حَرمِ الجمالِ جمالُ .) فلن أجد في قاموسي اللغوي ما يفيك حقك من الإعجاب والإستحسان غير (الله يفتح عليك ويزيدك إبداع إلى إبداعك ياشاعر)

الأخ الكريم حسن الجمال
شكرا لاهتمامك بالرد وشكرا على رقى نقاشك الزجلى فهذا هو عين الصواب نبقى متآلفين متحابين حتى لو اختلفت الرؤى والحمد لله أن كتبنا هذا الجمال الذى دار فى شكل راق جميل
وأنا أرى أن ما كتبناه قد استوفى جميع نقاط النقاش ولذلك لا أجد ما أواصل به الرد سوى هذا الاستحسان لأسلوبك الراقى الزجلى الجميل
شكرا لك ثانية مع الدعاء لمصر بأن يصلح الله شأنها كله وأن ينتقم من كل من خانها أيا كان هو
شكرا لك

حِـلـوَة المـعانى ، واضحة ومقـَـوِّيها
إن انتَ حاطِـط كـُل حُـبَّـك فــــيها
مَـصـر الحبـيـبة رَبــِّـنا بيحميـهـــــــا
إيــد اللى تِـســـرق مجدها مشلولة
والكل عارف سِــرَّها والفولـَـــة

خالص محبتى وتقديرى لقلبك وقلمك ياأخى الحبيب

أخوكم المحب فى الله
الطبيب الشاعر المصرى/ د.محمد رزق

رافت المصرى كتب:: لا فض فوك لا فوض فوك يا شاعر
الحق نور والنور بحسنى يجادل
كان ال (لوط) ايه ذنبهم لو فاكر
يقرا اللسان بس القلوب معلوله

..............................

بارك الله فيك وأعزك أخى الاستاذ رأفت
أعتذر وأنا فى غاية الأسف والخجل لتأخر الرد وذلك لأنشغلى بالعمل
أشكرك على مرورك وردك الذى أسعدنى ولك خالص تحياتى والورود
Very Happy

عماد عبد الحكيم كتب:: إبداع
إستمتعت بهذه الكلمات علي الفيس
وإستمتعت بها الآن
أخي العزيز / حسن الجمال
في انتظار جديدك دائما
----
من د الضلال أسخر ويضحك نابى
والــدم ســـــــايل ع العلم عـنــابى
والتهمة جاهزة ياالوطن . إرهابى
كدب وكماين ع الشاشات معمولة
أقطع دراعي لو فهمتوا الفولة
----
إبدااااااااااااااااااااااااع

.........................................

أنتظر مرورك دائما أخى عماد
شكرا لك وبارك الله فيك ولا حرمنى تواجدك أخى العزيز
Very Happy

محمود جمعة كتب:: الله الله الله

الزجل عين المجتمع الشعبي الناقد ،، كما علمنا اساتذته العظام

أبدعت أخي حسن ايما إبداع

الحرب ع الإرهاب دا سيم أمريكا
والل يغازلها عميل خسيس أو سيكا
والحق باقي ماتمحيهوش أستيكا
وانت اللي زايل وسط دول أو دولا
أقطع دراعي لو فهمتوا الفولة

نعم أخي الشاعر الزجال الرائع ... أستدانوا من أمريكا كلمتها المجرمة المطاطة ..

الحرب علي الارهاب ،،وذهبوا يقتلون ويعتقلون ويلفقون

تماما مثلما كان الحرب علي الارهاب زريعة لإغتصاب الرجال والنساء في ابوغريب ،،

والسجون السرية في المنطقة ،،

وقتل الناس علي الهوية

عند جورج بوش ،، التلميذ تعلم من أستاذه ولكن هيهات ان يخضع شعب مصر

والجيش دا جيشنا مهما بيه تتفرعن
مش جيش بيخدم لك هواك الأرعن
حلم الزعامة مش محرم شرعا
وبرضه مش بدراعك المشلولة
أقطع دراعي لو فهمتوا الفولة

وهنا تأتي رسالتك التالية لمن يخلط بين الجيش والسيسي ويعتبر ان اعتارضنا علي قرارات

وإجرام الانقلاب هجوم علي جيش مصر نعم الجيش دة جيشنا اولادنا واخواتنا وابائنا ولكنهم

تحت جنون الانقلابيين للأسف ،، ولكني مطمئن ان بينهم من يرفض ان يعمل لهواه الارعن

فيقتل شعبه وبعتقل النساء والاطفال ويقتحم القري والمدن ويضرب بالطائرات التي دفع الشعب ثمنها من قوته

أخي حسن

والله قصيدة تستحق دراسة مطولة لما فيها من وعي وفهم ووطنية بالاضافة للزجل الماتع الرائع

سلمت يمينك ولا فض فوك

لك كل التقدير والاعجاب والاجترام

أخى العزيز وأستاذى محمود جمعة
أسعد الله قلبك كما أسعدتنى بردك وعمق قراءتك للقصيدة
وأشكرك شكرا جزيلا على تثبيتها
لك منى خالص الود والتقدير

الشاعر الفاضل الطيب حسن الجمال
تحيه طيبه لحضرتك
احيك على كلماتك المعبره عن كل الاحداث
مع اختلافى البسيط فى بعض امور ممكن ان اكون شرحتها لحضرتك
فى التعليق على قصيدتى
زى مش كل اللى طلع ميدان التحرير ثوار وبينهم فاسدين فى الارض
نفس الكلام كان موجود فى رابعه نعم كان هناك كثير من الشرفاء الاوفياء للبلد
ولكن كان بيهنم الذين يهرولون وراء الكرسى وجعلوا الدين شعار لهم وهو برئ مهنم
اخى الكريم ابوعلى
ليس لنا الان الا الدعاء لله ان يجمع كل طوائف الشعب المصرى على الحق والثبات يارب العالمين
***************************************
اخى ابوعلى وقفت هنا للتأمل فضحكت على كلمه بين القوسين جاءت بخاطرى وهل تقصدها هههههههه

أما اللي فاهم فيكو ماسك جمره
الفكر فاسد. لأ وعايز عمره
بيخاف يقول للغولة عينك حمره
والحمره (إيدك) والا عين الغولة
أقطع دراعي لو فهمتوا الفوله

**************
تحياتى لحضرتك ياعمنا
دمت مبدع

الحلوة ثوره ولا ثورة مضادة

الحلوة أخي حسن أنقلاب عسكري فاشل

لان من خطط له قادم أغوار التاريخ وبيفكر

بعقلية الخمسينيات الحمضانة

ومن نفذة سيسي مجرد سيسي

المفروض الثوار يهتفوا له في الميادين فاشل ياسيسي

لان ربنا مسلط علية غباءة وكل حاجة بيعملها بيفشل فيها

دمت صداحا بالحق أخي حسن في زمن جبن فيه الكثير

أظن بالقصيدة دي أنت متأكد أني فهمت الفولة ولا أيه

https://elgendy.ahladalil.com/t25023-topic