مصر ما بتقبلشي قسمه

شعب واحد رب واحد
مهما تحصل أي أزمه

لاختلاف ف الرأي وارد
مصر مابتقبلشي قسمه

رب يوسف .. رب موسى
رب طه .. رب عيسى

وانت لو فاهم سياسه
تعرف إن مالكش لازمه
..
اللي بيفرق بلدنا
هُما أمثالك يا مدحت

جهلُه بيشرد ولادنا
وخيبتُه هاتخلينا نشحت

اللي طول الليل بيسهر
يشرب المُنكر ويسكر

واللي ليله ف حُضن يسرى
وليله تانيه ف حُضن مرفت
..
والأصح انك تقول
احنا حاجه وانتو حاجه

إحنا ماشيين بالأصول
وانتو ماشيين بالبياده

خادتو ف إديكو الطبول
واحنا بالقرءان سعاده

زي ما تحبو الحياه
إحنا بنحب الشهاده
..
إحنا شعب وانتو شعب ؟؟؟؟
مصر شعب الطيبين

وانتو لو عايزينها غرب
إحنا ما بنخلعشي دين

ياللي فاكر ديننا خيمه
ديننا فَخر ومش جريمه

لالتزام ف الدين له قيمه
إحنا ناس متعلمين
..
إحنا واحد ف الوطن
والعقيده لكل واحد

جاى ليه تزرع فتن
انت مين أصلا يا جاحد

ما احنا عايشين من زمان
ويا بعض .. صحاب جيران

الوطن مُسلم مسيحي
شَعب صافي ونهرُه خالد
..
رضا عثمان

الله عليك يا رضا
كلام من دهب
دام الابداع

الشاعر الرائع حبيب قلبي رضا عثمان

هذا النص من أروع ما قرات فى الرد على أغنية العنصريين الأنقلابيون أحنا شعب وانتوا شعب

كتبتها صادقة بدم حار غاضبة ثائرة رغم أنها لم تتجاوز حدود الأدب فبوركت أيها المصري الأصيل سلمت يا رضا ( وحشني ياجدع )

خادتو ف إديكو الطبول
واحنا بالقرءان سعاده

زي ما تحبو الحياه
إحنا بنحب الشهاده

الله عليك يارضا ،، اللهم أرضي عنك بما كتبت

أحييك أخي الحبيب علي ردك الساحق علي أصحاب بدعة انتو شعب وأحنا شعب ..

والله ان في الحلق مرارة وفي القلب لا يخفف منهما الا مثل ما قرأت لك هنا انت وأمثالك من المبدعين اللذين

لم تذهب بهم الانتماءآت او الهوي او الاعلام

أشد علي يديك أخي

لك خالص التقدير والاحترام

[center والله يا رضا لكل منا وجهة نظر يدافع عنها .
واظنك تعرف جيدا من هم لاحسى البياده من ايام حكم الطنطاوى بعد الثوره
ومن هم من باتوا فى حضنهم بل واشادوا بوطنية الجيش وانحيازه للثوره .
حتى جاءت الطامة الكبرى ووضع المجلس بين فكى الرحى .
اما ان نمسك الخكم واما ان تُحرق مصر .
هذا تاريخ وليست اقوال . ثم قلادة النيل عندما استغنيتم عن خدماتهم .
وانا طبعا اختلف مع { احنا شعب وانتو شعب } ولكن اتفق فى قول .
احنا شعب نحب مصر .. وانتو فئه تحبوا مصلحة الجماعه ومصر ليست فى حساباتكم .
وانت قلت .. واحنا بنحب الشهاده . اى شهاده بالله عليك ؟؟؟؟؟
انت تجاهد عدو الله ؟؟؟ انت مسلم وهم مسلمون قبل منك ..
انت مصرى وهم مصريون ولكن الفرق انهم يحبون مصر وانت لاتحبها .
فاى شهاده تتحدث عنها ؟؟
الشهاده تنولها عندما تحارب فى القدس وليس فى مصر .
فمصر بلدك ووطنك والذى من المفروض ان تسعى لعماره ورفعته وليس لحرقه ودماره وتخريبه واسقاطه .
واياك ان تقول لى ان كلنا نحب مصر .
من يستدعى عدو الله وعدونا للاستقواء به لمجرد الحصول على الحكم والرجوع الى الكرسى والسلطه مرة اخرى
لايمت للوطنية بشيء ... [/center]