الزم حدودك

الزم جدودك
..........................................................
القضيه قضيتى
والحكاية حكايتى
والروايه أنا بطلها
والمسرحيه.......... لساها شغاله
فى دور العرض
والبطل صحته بمب
والجماهير مابيزهقوش
والغريب النور لاعمره.... ف يوم قطع
والقصه من وجدان بلادنا
شاربه ميه مليانه طمي
والجميل ان السكات سمة البطل
واللى مالحقشى التذاكر
مش لاقى كرسى
أو انطرد لما دخل
جاله هطل
عمال بيرغى
عمال يقول :النص مسروق من فيلم تركى
من مسرحيه امريكيه
مع اختلاف وجهات نظر
وجايب أدله من صنع وهمه
عمال يبرطم ولا حد همه
عمال بيرغى
معذور لأنه
كان منتج العرض اللى قبله
العرض اللى ماحد قبله
والاعلانات صرفت عليه
ومليارات لجل يجهز البطل
جاله هطل
حالة عبط
لما دخل لقى حد تانى
بينفذ الدور باقتدار
الجسم ولع فجأه نار
لما الجماهير رمته
هو ونجومه بره النص كله
لقى حلمه فجأه بقى سراب
طب يعمل ايه ابن البقر
مالقانون لاعمره يوم يحمى مغفل
ولاعمره يدى حق للى خان
ولاعمر يوم الحق دام
مع جبان
ولا استمر النصر للى باع
الزم حدودك ...........يا جبان
يابن .............
ولا خسارك فيك الشتمه
من المعركه خسران
وعشان كده جالك صرع
لما لاقيت حد تانى بينفذ الدور باقتدار
الزم حدودك
والا المملكه
اللى راسمها ف الخيال
تبقى خلافة
هتبقى دمار
الزم حدودك
خليك فى حالك
اللى يقرب من بلادنا
فارد جناحه
يبقى حمار
الزم حدودك
.............................
شاعر الاحساس
عبدالتواب الرفاعى
...........الى كل من تطاول على الازهر وعلى المصريين بجميع طوائفهم رسالتى

تسلملي استاذ عادل عوض

شاعرنا الراقى عبدالتواب الرفاعى
تحيه طيبه لحضرتك
سلمت يداك لقد شرحت المسرحيه بالطريقه البسيطه السهله لعل ان يستوعبوها ووضعت منها بعض الكلمات لكى اسهل لهم طريقة الفهم
**************
الزم حدودك
والا المملكه
اللى راسمها ف الخيال
تبقى خلافة
هتبقى دمار
الزم حدودك
خليك فى حالك
اللى يقرب من بلادنا
فارد جناحه
يبقى حمار
الزم حدودك
.............. تحياتى لحضرتك
دام الابداع

والله جميل يا شاعرنا

وياريت كل واحد يلزم حدودة ويخلية في بلدة وما يتحشرشي في مشاكل بلاد غيرة زي اخينا اردوغان وابوا قردان اللي بيحطوا مناخيرهم في شئون غيرهم

سلمت ايدك اخي الشاعر

تقبل تحياتي

شكرا مجدي وسلوى

شكرا للشاعر محمود جمعه