سحر جمالك

الشعر منور بجمالك

والصورة بتنطق بدلالك

مش حقدر اقول ع الحنية

دأنا نفسي في يوم اجي علي بالك




الحب عرفته بمعرفتك

الشوق علمته في مدرستك

يا حياتي يا عمري يا عنيا

انا نفسي في منهج لدراستك




حبك كالبحر في روقانه

عشقك كالموج بين احضانه

سحرك ليا نسيم هادئ

وانا قلبي اهو داب قبل اوانه




انا حفضل جنبك كدة علي طول

وحا احبك مهما الكل يقول

فى دراستى انا حا انجح علشانك

وحجيب انا جيد او مقبول

عادل عوض سند كتب:

                    الابن الشاعر الجميل
بهاء الدين محمد
ايوه كده .. النهارده تأكدت توقعاتى وها انت تفوقت على نفسك .
واثبتت انك شاعر جميل و انا سعيد جدا بهذا التقدم الذى سرنى واسعدنى .
مودتى وتحيتى ...                                                    

ربنا يخليك استاذ عادل
والله اللي وصلتله بفضل الله ثم نصايح حضرتك ليا وتوجيهاتك
ونصايح بقية الاعضاء في المنتدي العظيم
وشكرا علي مرور حضرتك الكريم وكلماتك التي اسعدتني

محمود جمعة كتب:

هههههههههههههههههه

أضحكتني هذا الصباح ،،، جيد أو مقبول وتبقي ذاكرت عشانها  ؟؟

دة كلام  انا عشانها أجيب أمتياز يا بهاء ههههههههههههه

علي كل حال قصيدة جميلة ولكني أطلب منك اعطاء القصيدة حفها

من المراجعة والقراءة المتأنية وأعادة صياغة ما يمكنك التعبير

عنه بطريقة أفضل ،،

خاصة وميزان الموسيقي الداخلية اتظبط عندك كتير

الشعر يا بهاء هو فن اللامباشرة والتعبيرات المبتكرة

(( سحرك ليا نسيم هادي )) محتاجة تتظبط

ممكن مثلا سحرك ليا دة نسيم هادي

جميلة هي دفقاتك الرومانسية في اخر قصيدتين

يبدو آن هناك محركا جديدا للمشاعر .. (( ماشي ياسيدي عقبالنا ))

أسعد الله أيامك

كن بكل خير

شكرا لمرور حضرتك الكريم استاذ محمود
بصراحة امتياز دي صعبة شوية اني الواحد يوصلها
فيرضي حضرتك يعني اني اكدب علي حبيبتي في اول قصيدة

دي كانت اول قصيدة رومانسية كتبتها
بعد الانتقال من الشعر السياسي
فعشان كدة ممكن يكون فيها اخطاء
لك جزيل الشكر علي ايضاحك لي بأخطائي
تسلملي استاذ محمود