ردا علي قصيده سابقه لاخوانى

د
الشعب قال كلمته وعرفت مقدارك
ارحل بهمه وكرامه الدار دى مش دارك
ارحل واحقن دماء شعبك وفجارك
ارحل خلاص انتهى زمنك وبان عارك
ارحل دى ريح الهتاف طفت خلاص نارك
وبقيت مثال للصمم والفجر ده شعارك
والنطح كان غيتك والعيبه في مسارك
وحكمت شعب النيل والنحس كان جارك
لم انت شخص زليل والذل منوالك
مسحوب كده وعليل والمرشد اختارك
كان ذنبه ايه الشعب ترمى عليه عارك
وزاد الصياح والعويل من كل تجارك
وقالو شعب عويل عايمين في انهارك
وزودو المزامير وطبخو سعارك
بالشعب طفح الكيل وكرهو اعذارك
والشعب قال كلمته مشواره غير مشوارك

احييك علي هذا النص الجميل
بجد روعة
دام ابداعك

شكرا اخى بهاء
تقبل مودتى وخالص تحياتى

ياسلام يااخي الشاعر سلمت يدك

كلامك جميل ويرح القلب اللي اتوجع من ساعة ما الجماعة دي استولت علي مصر

ربنا اظهرهم علي حقيقتهم

تحياتي

الشاعر الأستاذ / محمد بديوي
نص جميل من شاعر يمتلك أدوات الشعر فكتب نصا جميلا يستحق التحية والتقدير ونضيف أنك من خلال هذا النص قد عبرت عن مشاعر الكثير جدا بل أكثر من 95% من أفراد الشعب المصري وجيشها العظيم .
هنيئا لنا أعضاء المنتدي أن يكون بيننا مثلك من الشباب الذي لديه المقدرة في التفرقة بين الغث والرخيص والغالي والنفيس من هذا الشعب الذي خرج عن بكرة أبيه رافضا الذل والمهانة من تجار الدين ومن يشيعونهم في هذا المنتدي
محمد البهنساوي
رئيس رابطة الزجالين وكتاب الأغاني بمصر
عضو اتحاد كتاب مصر

الاخ الشاعر
محمد بديوى
الله ينور نص جميل ومضمونه اجمل .
وبعدين بصراحه مش عارف
الراجل البارد ده اللى عايز يحكم شعب مابيحبهوش .
وعايز يقتله وكرهه لحد الموت .
بس يستاهل وربنا جزاه علشان خاين وغدار .
وربنا ذله وكل واحد بياخد على قد نيته .
ياللا مكتوباله ...

» قصيده خيــــانـــــــــــــــــه
» بريء وراء القضبان
» أجمد قصيده في مصر
» قصيده رجولآ
» قصيده رايحه منى