ماتزعليش

ماتزعليش
********
ماتزعليش يابلد واثبتى على دينك

ماعدش لينا سند جفت مياه نيلك

شاف الشريف انجلد انهد فيه حيلك

طفح سمومه سرد جوه البحور سيلك
*********
السم صاب السد قطع بريق نورك

الميه عامله حد يروى الظمأ بورك

الايد بقي قاصر ومعدش فيه ناصر

سدوا ف بحورك نكر الجميع دورك
****************
شافوا ثوارك ماتو فى ميدانك

راحت الهيبه ويا ابطالك

ماتت رجال ف الثوره موال

رجعت العيبه نبح لكلابك
**********************
ماتزعليش يامصر الشهداء ماتوا عشانك

ماتوا جنودنا فى سيناء من خير اجنادك

معلهش ياخاطر قتلك الفاجر

لانه كان فاطر كانز على مالك
*************************
ماتزعلش يامصر النصر ح يجيلك

كل اللى دخلوا القصر وقالوا حاميينك

يقفوا امام ربنا والحق يرجع لنا

شاربين كسات المر همه اللي سارقينك
**************************
ماتزعليش بقي حقك على رأسى

نبت البلح م النقا وجريده ف اقفاصى

نحدف عليه الطوب يقع البلح مرطوب

ننسى سنيين الشقى وترجعلى انفاسى
********************
يامصر قومى بقي شدى معايا الحيل

نرجع شداد بالتقى فرسان سباق الخيل

الكل يشهد لنا ان الحبيبه مصرنا

الكلمه فيها القول وارثنها جيل ورى جيل

الله عليك استاذ مجدي
تشرفت بان اكون صاحب اول تعليق
لكي استمتع بهذا الابداع

الاخ الشاعر الكريم بهاء الدين
تحيه طيبه لحضرتك
اشكرك على مرورك الجميل دائما سباق بالخير ياعم بهاء ربنا يخليكويحفظك
دمت بخير وسعاده
تحياتى لحضرتك

استاذنا الفاضل وشاعرنا الجميل عادل عوض
تحيه طيبه لحضرتك
اشكرك على مرورك الراقى الذى اسعدنى الكثير
واسأل الله ان يرحمنا برحمته وينقذنا من حكم لايعرف الا مصلحة نفسه
ويعوضنا خيرأ منهم
استاذى الكريم عادل عوض
اذا انقطع المياه والكهرباء انقطعت الحياه فى مصر ربنا المستعان وهو القادر على كل شئ
نسأله الرحمه والمغفره
تحياتى لحضرتك
دمت بخير

الله عليك شاعرنا الجميل مجدي سرحان

دائماً قلمك ينبض ويعبر عن حب وطنك الحبيب

سلمت يداك وقلبك الجميل

استاذى الفاضل وشاعرنا المبدع محمد عبدالواحد
تحيه طيبه لحضرتك
اشكرك على مرورك الراقى والف مبروك على جائزة المنتدى 
مع وافر تحياتى
دمت بخير وسعاده