اعلا بنفسك

***

اعلا بنفسك

عدى بيها كل تفاهات الظروف

دا انت قلبى اللى اعرفه

اللى عمره ما خاف ولا ح يخاف

من كل طعنات السيوف

من قال عليك انك عدو الحب مين

دا انت الامير

اللى سحراك الصبايا بسحرها

ولا عمرها قدرت تطول

لمس شراببن الكفوف

وانت الامير

اللى ساكن ضيعتك عشاق كتير

واللى قارى فوق جبين العاشقين

كل حركات الحروف

***

مين قال عليك انك عدو الحب مين

قولى مين وانا اجيب لهم

كل الحبايب كلها تحلف يمين

انك القلب الحنون

انك القلب العطوف

دا انت قلبى اللى اعرفه

اللى عمره ما قال كرهت

ولا عمره هز اوتار حياته

اى خوف

دا ا نت قلبى اللى اعرفه

اللى دايما كان بيعزف لحن حبه للجميع

واللى غنى للحباه

احلا غنوة للحياه

واللى غنى للربيع

***

اعلا بنفسك

واللى قال انك عدو الحب بيعه

والا اقولك سامحه يمكن يعترف

انك القلب اللطيف

اللى عاش كل ايام الفصول بالاصول

ولا عمره ما حس قى يوم

باهوال الخريف

***

دلوقتى قول يالا العجب

م اللى جايين عليك بيخوفوك

بسيوف ضعيفه من خشب

ياتحبهم من غير ماتعرف اصلهم او فصلهم

ياح يكرهوك

اصمد بقه وخليك صبور

وعيش تمللى بمبدءك

ح تلاقى كل الناس قلوبها تصدقك

حتى اللى كانوا بيكرهوك

ح يصدقوك

واعلا بنفسك

***
***

اخى وصديقى العزيز وحبيب قلبى الشاعر المتميز والمتألق
الاستاذ ماهر حامد

تحياتى وتقديرى وشكرا على مرورك الغالى والعاطر وتعقيبك الجميل على قصيدتى المتواضعة الذى دائما يسعدنى كثيرا, واحشنى جدا جدا وانشاء الله سوف
نلتقى بالنادى المصرى ومعى نسختك من البوم صور واعتذر عن تاخيرها .

ودمت بكل خير ومحبة وسعادة .

اخى وصديقى العزيز وحبيب قلبى الشاعر الكبير المتألق دائما
الاستاذ عادل عوض

تحياتى وتقديرى وشكرا على مرورك الغالى وتعقيبك الجميل على قصيدتى المتواضة الذى اسعدنى كثيرا واشكرك على دعاؤك الكريم الصادر من صفاء قلبك الصادق .

ودمت بكل خير ومحبة وسعادة ,

اخى وصديقى العزيز وحبيب قلبى الشاعر والمترجم المتألق دائما
الاستاذ طارق منيب

تحياتى وتقديرى وشكرا على مرورك الغالى والعاطر وتعقيبك الجميل على قصيدتى المتواضعة وبمناسبة ا لقلب الكبير اقول احنا اللى قلوبنا صغيرة جدا
بانسبة الى قلبك الطيب الصادق الطاهر .

ودمت بكل خير ومحبة وسعادة .

اخى العزيز الشاعر الكبير المتألق دائما
الاستاذ محمد البهنساوى

تحياتى وتقديرى وشكرا على مرورك الغالى والعاطر  وتعقيبك الجميل الذى دائما يسعدنى
ويعطينى اكثر مما استحق .

دمت شاعرنا واستاذنا  الفاضل بكل خير ومحبة وسعادة  .

اخى العزيز وحبيب قلبى  الشاعر المتميز جدا جدا والمتألق دائما
الاستاذ عاطف عبدالعزيز الحناوى

تحياتى وتقديرى وشكرا على مرورك الغالى والعا طر وتعقيبك الجميل  على قصيدتى المتواضعة
دائما اشتاق لمرورك  وتعقيبك  الذى يفيدنى ويسعدنى كثيرا .

دمت بكل خير ومحبة وسعادة .