قال الطرزي يا ساده يا كرام

فستان زمان كان قماش يجيلي اخده من بابه
مترين و نصف او اكتر شوية علي قد اربابه
دلوقت يادوب بعدل في شغل الحاوي و جرابه
تفصيله برحة مبحبحة تغطي الجسم و هضابه
و يا باش ترزي ضيقه و خنصر لي في جنابه
اصل الموضة تحب البيان مع رسْمَة لكل القابه
عباية سداح مداح اصيلة و تبعد الجن و كلابه
بنستين تحت الباط لجل يعني ما يعجب كل احبابه
ابو وسط واقع اللي فاق حده و نزل و راح سابه
علشان لما يمر الجدع يروح فيها و ينسي اتعابه
و نيجي عليه ليه و ننسي مين السبب في عذابه
شاف اللي يحب اللمة و يلم الطير هوه و ذبابه
ان طنش يقولوا عليه اللعنة و يذموا في شنابه
دا غلبان و ضايع و فاقد النطق و ساقطة انيابه
بس يبطل كلام و يخدوه نرتاح من قرفه و هبابه
ليه يتحرش بينا مع السلامه يغور هوه و ترابه
بالله عليك مين بتحرش بمين ما تقولي يا جنابه

حسن محيى الدين

اخى حسن

لى شرف المرور الاول على كلماتك .

تقبل مرورى ومودتى ...