أنا مش حماده

مسكوني خمسة ستة

وقلعوني حتة حتة

ضربوني بس بحنان

وم الحنان بكيت بشدة


أنقذوني م البلطجية

وغطوني بالبطانية

متصدقوش أى قناة

وخاصةً لو ليبرالية


أحلفكم بالله تصدقوني

وحده وقع بنطلوني

والطلقة للي فى رجلي

من وهمي ومن ظنوني


كذبوا كل للي تشوفوه

مفيش مواطن بيسحلوه

أكيد من دخان القنابل

تلقي الواحد منا يتوه


مفيش مذلة ولا مهانة

ولو مكذب اطلع معانا

المظاهرات حلوة خالص

والداخلية بتهتف معانا


أنا مش جيكا ولا حماده

ولا عسكري لابس بياده

انا اللي قاعد بعيط

على روحي بشربها ساده