مزنوق فى حته جحر

مزنوق ف حتة جحر
والفرصه اهى جاتلى
دى دعوة من امى
ماهى ياما دعيتلى
عايش مابين اربع حيطان
ورطوبه ماشيه ف جتتى
من غير سرير ومافيش دولاب
واسطبل جنبى واصوات كلاب
عماله تنبح
وديابه تعوى ف الضلام
مستكترين عليا حل!
مستكترين هدمه نضيفه!
ودخل يستر حوجتى
مستكترين انى اعيش
مستور مرة ف دنيتى !
طول عمرى مخنوق م الحياه
ولا صرخت ولاقلت اه
ساكن فى شرق النيل
وماشفتهوش من يوم ميلادى
وازاى اشوفه
وابراج غريبه طايله السحاب
وازاى انا اسمع صوت مراكبى
من نبااح الكلاب
العضم ال مرمى
كل يوم مليون خناقه
مين هيلحق
وسلال زباله وكراتين وكوبيات
مين فينا يسبق
مستكترين عليا مره يبقالى سله
مستكترين ان احنانطبخ ويبقالنا حله !
مستتكترين اشوف الميه جوة النيل !
النيل معدى قدام بيوتنا
والميه قاطعه
ممنوع نقرب
الشط ده مكتوب عليه
ال يقرب هيكلبشوه
ومحرمين علينا الصورة جنبه
عشان غلابه
ومسستكترين عليا اخرج من جحرى ليه !
هبيع كرامتى لجل اعيش
وهى الكرامه نفعت بايه
وهى الكرامه نفعت بايه

اسجل مروري واعجابي بالنص

دام الود وعاشت مصر

وده حال الكثير
يسلم القلم والحرف
تحياى

ربنا يصلح احوال بلدنا
تحياتى لك

شكرا اسماء منصوروشككرااا يوسفابوزينه

ااشكر مرورك حبيبى
مممودد جمعه
رغم ان القصيده العاميه يجوز ليها ان تتخذ اكثر من بحر

وشكرا حبيبى حسن الجمال

الشاعر / عبد التواب الرفاعى
القصيده جيده
ولكن بها بحور مختلفه
وكما قلت انت هذا جائز في قصيدة العاميه
ولكن القصيده الطويله
وفقك الله لما أت

اشكرك فارس القرش
واشكرر مممرورك الجميل
حبيبى عادل عوض سند