حماده

حماده
****
سمعوه الناس وشافوه

ع الشاشه حماده سحلوه

بعد مااصتدفوه

اتبرى منه ابوه

اولاده قالوا الوه

**********
حماده طلع كداب

كداب حماده وخاب

بعد الجرح ماطاب

قال ضربونى ياهوه

*************
حماده طبيعته جبان

شوفنا حماده اتهان

ادام الناس عريان

ملعون ام اللى هانوه

************
حماده ياعينى عليه

ضربه سعادة البيه

حماده مش عارف ليه

هما ليه ضربوه

***********
حماده خيبته تقيله

غير رأيه فى ليله

ولاحصل شهداء سينا

ع الارض حماده جروه

***************
ياحلاوه ياحلاوه ياحلاوه

حماده فى دماغه طراوه

وذاد على غلبه قساوه

لما الضباط عروه

***************
ياحماده قول الحق

الشهدا قالوا لا

ليه قلبك بيرق

ع الدم اللى سالوه

استاذى الفاضل الشاعر الجميل محمد عبدالواحد
تحيه طيبه لحضرتك
اشكرك على مرورك الاول الذى اسعدنى الكثير
وهذا شرف لى يااستاذى
تحياتى لحضرتك
دمت بخير وسعاده

حماده طلع حماده بجد

مش عارف ده اسمه ايه بالظبط

ربنا يهدي الداخلية

بسم الله ما شاء الله عليك استاذ مجدي بصراحة دايما سباق في رؤيتك للاحداث
قصيدة رائعة عبرت بها عما يحدث
دام ابداعك

ماتنسوش انة كان مضغوط علية متهدد يعنى
لكن يسلم قلمك استاذ مجدى
تحياتى

شاعرنا المبدع احمد رجب
تحيه طيبه لحضرتك
اشكرك على مرورك العطر
تحياتى وتقديرى
دمت مبدع

الاستاذ والشاعر الفاضل بهاء الدين
تحيه طيبه لحضرتك
اشكرك استاذ بهاء على مرورك الجميل
وربنا يهدى نفوس الشرطه فى مصر وينجياها من الاخونه
تحياتى لحضرتك
دمت بخير

استاذنا الشاعر الفاضل يوسف ابوزينه
تحيه طيبه لحضرتك
اشكرك يااستاذى على مرورك العطر
هو حماده فعلا كان مضغوط عليه ولكن مابيشوفش كل يوم شهداء بتسقط
على الارض علشان طلبين العيشه الكريمه
كان على حماده يقول الحقيقه من الاول وياروح مابعدك روح

استاذى الكريم
تحياتى وتقديرى
دمت بخير وسعاده