ننة هوه

ننة هوه

ف لحظه من ذات الايام
وف اوضه ف القصر الكبير
بتجرى تحتها الانهار
زاغت حوا ف عين أدم
بختصار
إحلوت حوا والسلام
جدك آدم يعمل ايه
ف الاحساس اللى مخليه
مش قادر حتى يعنى ينام
إحساس مش واخد لسه عليه
ومافيش غربان يتعلم منها
إزاى هذا الاحساس يوارية
دوّر أدم ف الاسماء
جايز يرسى ويلقى حلول
كشف له الحب من الاشياء
حاجات حجابها كان مقفول
خلّت آدم فعلا نام
وهو ف بردة من الاحلام
ماصحهوش غير رعشة حوا
وصوت صريخى ف الولادة
هما ميتين م الفرح
وانا بصرخ وصريخى زيادة
ولاحد فاهم بصرخ ليه
ادم لحوا ..... سكتيه
ننه هوه ننه هوه
وانا بصرخ وبقول ياهوه
من جوز ملايكه فوق كتافى
نطوا فجأة وخدلوة
بالورق الفاضى الكتير
اللى لسه ........ هيكتبوه

الاستاذ الشاعر محمود كامل
تحيه طيبه لحضرتك
قصيده جميله ورائعه
اسعدتنا بها وسعداء بوجود الكريم
مع وافر الاحترام والتحيه
دمت بخير