أنا هُنت عليكي خلاص

أنا هُنت عليكي خلاص
وبقيت في حياتك عادي

واحد من ضِمن الناس
مش فارقه وجودُه معاكي

بتاخُدني الدُنيا بعيد
وساعات من غير مواعيد

نتقابل صُدفه والاقي
الشوق ف عيونك هادي
..
وكأنك مش عارفاني
ولا حاسه بفرحة قلبي

أيوه بشوفك قُدامي
واللهفه ف عيني بتبكي

بتقول ,, ماهيش فاكراني
مُش شايف فيها حبيبتي

معقول فيه واحد تاني
بتفكر فيه ونسيتني
..
زمان ياما استنتي
مهما اتأخرت عليها

وبتسأل إيه غيبني
وبغيب وارجع ألاقيها

طَبيبي ,, حضني الدافي
مثال ,, الحب الوافي

لا تعاتب ولا بتحاسب
وارتاح وانا بين أياديها
..
رضا عثمان

مابتعرفش تعيش من غيره خالص يا رضا

ههههههههههههههههههههههههههههه

بس بصراحه نص مختلف عن النصوص السائده على الصفحه .

يعنى غيرت الجو وطريته قوى يا رضا .

مودتى وتحيتى ...

لا حرمك الله من حبيبتك ولا من حضنها الدافي
تحياتي لك الشاعر رضا عثمان

ابداع استاذ رضا
ما شاء الله عيك
ربنا يدومه عليك

مش عارف يا رضا جايب الروقان ده منين

كل حاجة حوالينا تحرق الدم وانت قاعد تحب

بس يمشي وطني برده ، اخي الحبيب يعجبني كلما تكتب

ابو الروض حبيبى
تسلم ايديك ياأمير الرومانسية
تقبل تحياتى ياصديقى

الشاعر الغنائي الجميل رضا عثمان

ابدعت يا ابو الغنائي يا عسل

سلمت يداك

أخى رضا
غنائية جميلة أيها الراقي
لا فض فوك
كنت هنا

فقط لوجودك هنا...ألف باقة ورد أحمر...
بحق كنت هُنا كالعطر...
شكراً لك بحجم خيالك الساحر..
تقبل مروري
د. السيد عبد الله سالم
المنوفية – مصر

» بدوّر عليكي
» بيضحك عليكي
» ها كنسل عليكي
» بدور عليكي
» خايف عليكي يا أمي