مؤامرة حزن

مؤامره

كل حاجه ف صدري قابضه

صَدَّقِت نفسي النفس وشهيقي خاننِي

باعني لمّا فتحت صدري وقلت اغني

غنا مين ع التاني لما

القصايد للأمل....

مقفوله صدمه

إنت تاني؟

وتلتميه

هي هي

البلابل مهما كانت...

صوتها دافي...

_مفتريه_

نوحها بيعيط في ودني ويبكي فيا

حلمي يافاكر طريقك لونه فضّه...

ليه هتفضل مطرحك والجسر صدّى؟

بينا نرجع قبل ما تغمض عينيا

حملى يتقل ع الحقيقه المش عفيه

كل ثانيه بثانيه نتقل

وانت مش خايف عليا

والمؤامره المشمشيه....

عارفه إٍني عرفت لونها المٌظلِماني!

كنت اعافر زي طير مولود ثواني

رفرفت روحي واتاريني ف مكاني

تِِبهَت الحاجه اللي فاضله من اللي فيا

سطر يتقل يرمى أشجانه القويه

كل يوم ألقاها واقعه ف سطر تاني

فـَ القصايد والزمن.... عنوان ديواني

قلت مره وتاني اعرفكم مكاني

خش من أول حُطام من عن شمالي

قلبي خايف..خالي...بالي

بالي خايف من خيالي

حلمي بالي

كنت شارع

جمب شارع... جمب شارع

عدوا جوايا الشوارع

كل حته بحته مني

وان وصولتولي قوليلي...

عَ الطريق لخروجي منِّي!

بس إياكوا تفوتولي...

وحدى انا ومش حمل أكتر من...

مؤامره