ماهيش باسمك

موضوع: ماهيش باسمك الأربعاء ديسمبر 26, 2012 7:58 pm

[center]ماهيش باسمك
وتحت امرك
تبقى اوامرك سيف

انا من هنا
وجدود جدودي من هنا
لا سارق ولا ضيف

انا ليّا رأيي وكلمتي
مصري الحس والتعريف

قولك ..انا جاهل وانا خاين
وانا سارق ...من التزييف

انا اللي شبعت م الحبسة
سنين وسنين

وانا اللي كنت بقوم
ف يوم ما كنتوا نيام

عشان ادعي لصلاة الصبح

انا اللي كنت مخالبها
لاجل ما احميها
من الجلاّد

وناوي بدمي افديها وانجيها
من الأوغاد

انا اللي صوتي اتنبح
من ندهتي ليك

بتستغرب ؟؟....
عايزها تسبني ؟؟
انا اللي جروحي ما التئمت من التعذيب

انا البطن اللي ما خابت
ولا خافت من الترهيب

انا اللي ف قلبها غالي
بستنكر ؟؟

انا اللي سقيتها من شرياني
لمّا لمحتها دبلانة

اسد شقوقها بكفوفي
مسجل اسمي ف الزنزانة

انادي وانا بتهان
حبيبتي استقوي من خوفي

ده انا حيلتك وانا اللي بقيت
لا انا سبتك ولا مليت

ونمت ف ليلي ف عز البرد
متعري وما أنيت

منتاش ولدها دوني
وتمنعني دخول البيت

انا اللي غيلانها شحتوني
وهيا لسه فاكراني
وعداني من الاحباب
بستغرب ؟؟
وتستنكر حضنها ليّا
وشوقها بعد غياب !!

طب اسألها ده يبقى مين
سابك وهج لفين

وهيا تشرحلك وتوضح الاسباب

عشت لبدلك وعاشت لك

استمتعت بقصيدك الرائعة التى تلامس مايسكن القلب تجاه الوطن

مع تحياتى

طاهر طاهر كتب:: عشت لبدلك وعاشت لك

استمتعت بقصيدك الرائعة التى تلامس مايسكن القلب تجاه الوطن

مع تحياتى

استاذ طاهر ....شرفت بمرورك الجميل
وردك الأجمل .....تسلم

أخي الحبيب محمد أبو زيد..سمحت لنفسي أن أُدخل بعض التعديلات على شكل النصّ أرجو أن يروق لك..
أحييك على جمال فكرتك وعتابَك الراقي لأخيك في الوطن

اشكرك استاذ رضا اكتير اكتير

مش الشكل بس الل عايز تظبيط
للاسف انا اتعودت اني اظبط الاوزان بعد النشر
بس ده ........معرفتش اعمله هنا
لو امكن ف الادارة تتيحولنا التعديل ولو لفترة معينة

الاستاذ الشاعر

محمد ابو زايد

اصبحنا الآن لائم وملوم عليه . انقسمنا الى فريقين .

فمن يلوم من ؟؟ هى تلك المشكله .

ولكن دعنا نفعل ذلك من اجل الوطن وليس لمصلحة شخصيه .

احييك على حرفك .

مودتى وتحيتى ...

عادل عوض سند كتب:: الاستاذ الشاعر

محمد ابو زايد

اصبحنا الآن لائم وملوم عليه . انقسمنا الى فريقين .

فمن يلوم من ؟؟ هى تلك المشكله .

ولكن دعنا نفعل ذلك من اجل الوطن وليس لمصلحة شخصيه .

احييك على حرفك .

مودتى وتحيتى ...

يااستاذي
هل كل هذا الفجر الاعلامي ..لا يستحق الرد ولا كتابة ؟؟
اعلاميو مبارك يقدمون انفسهم على انهم اهل الثورة وان من ف السلطة هم سارقون و....و....
للاسف بمساندة من البعض ممن ينتمي للثورة