مساجلة / تيجي نجَـرّبْ ؟؟!! / رضا محمود

تيجي نجَرّب ؟؟

نِرجع للروح الثوريّةْ

بالإخلاص وبصِدق النيّةْ

زي ما كُنّا زمان في ينايرْ

قلبي عليك..وإيديك في إيديّةْ

تيجي نجَرّب ؟؟

تيجى نجرب ؟

جربنا وبنجرب تانى كتير
دى مسألة حياة ومصير
بس التجربة صعبة شوية
محتاجة من الكل ضمير

تيجى نجرب ؟

تيجي نجرب ؟؟؟

نعمل ثورة علي الشيطان

ونحاسب أنفسنا كمان

ونعود بعد الفرقة حبايب

نرعي حقوق ايها إنسان

تيجي نجرب ؟؟؟

تيجى نجرب ؟
تيجى فى يوم لنفوسنا نعلم
قبل ما أيدنا تصيب تتألم
دا فى المعركة أخوات مش غُرب
وبالحب بلادنا هتتقدم
تيجى نجرب ؟

تيجى نجرب نسرح فوق

ويا امال وماليها الشوق

يمكن شهد العالم كله

يبقى ساعتها ب حبنا طوق

تيجى نجرب ؟

السلام عليكم .. كلام من قلبي

تعالي نجرّب
نرسم بكره بشكل جديد
ملامح حب بعزم أكيد
نبني نعمّر وبلاش نهرب
ننسي امبارح أصله عنيد
تيجي نجرّب .؟

تيجي نجرب ؟؟

و نعرف ايه هو الاسلام

يعني محبة وفاق وسلام

والتوحيد مش تعقيد

الدين فعل مش بس كلام

تيجي نجرب ؟؟

تيجي نجرب ؟؟

نقبل كل الرأي الأخر

ومحدش بكلامه يفاخر

كلنا مين يخطيء ويصيب

طب ليه يبقي وطنا الخاسر

تيجي نجرب ؟؟؟

تيجى نجرب ؟
قبل ما نبدأ اى حوار بينا نسلّم
ونسمع بعض أكتر ما بنتكلم
دى بلادكم يا اخوات بتضيع
ونحاول وبلاش نستسلم

تيجى نجرب ؟

رضا محمود كتب:

دعاء العطــار كتب:: هو العمر فيه كام تلاتين

لما نجرب يا موافقين

طب وبديلكم فين يا معارضه

توهي يا مصر مع التايهين

لِسّة العُمر براح قُـدّامَـكْ

لو كُنت مصَدّق أحلامَكْ

تقدر تعمل حاجَة مُفيدَةْ

تقدَر تهرب من أوهَامَكْ

إوعاك تتكلم عن عمري أو أملي وسنيني الجـــاية

كل الأحلام الوردية تاهت واتحرقت يا ضنايا

لما لقيت الحلم اتحقق وفي نص المشوار يتشقق

يبقى العمر سراب في التربه يتكفن حلمنا ويايا

تيجي نجرب ؟؟؟

نمسك شمعة للتنوير

ومفيش بينا وزير وغفير

كلنا واحد ع الاهداف

أحمد ، مرقص ، سالي ، عبير

تيجي نجرب ؟؟؟

تيجي نجَرّب ؟؟

ما نسلّمشي لأي شيطَـانْ

ولا نِسمَع زور..أو بُهتَانْ

نِشـهَد بالحَق ونتكَلّمْ

ونراعي شعور الإخوَانْ

تيجي نجَرّب ؟؟

تيجي نجَرّب ؟؟

نِسمع أفكار العَلمَاني

وما نرفُضشي الطَرَف التّاني

ونقَرّب بينّنا المسَافَاتْ

ليبرالي..وسَلَفي ..وإخّواني

تيجي نجَرّب ؟؟