مساجلة / تيجي نجَـرّبْ ؟؟!! / رضا محمود

رضا محمود كتب :

تيجي نجَـرّبْ ؟؟!!

نعشَق مَصرْ بكُل ما فيهَا

وندوس عـ الفِتنَة ونطفيهَا

وجروح الأرواح نشـفيهَا..

وبلاش في الباطِل نِتعَصّبْ

تيجي نجَـرّبْ ؟؟!!

نزرع خير.. علشان نِـلقَاهْ

مش علشَان مَنصِب ولا جَاهْ

يبقى عَملنَا لوجه اللهْ..

مهمَا نشرّق ولاّ نغَرّبْ

تيجي نجَرّبْ ؟؟!!

الاخوة الاحباب جميعا

تحتاج مصرنا الحبيبة الان ان نتكاتف جميعا ،، ونترك الانقسام

ونلتئم في حبها ورفعتها وتقدمها ،، وقد أعجبتني دعوة أخي رضا

محمود وقررتأن أحولها جزء منها الي مساجلة يتنافس فيها

الجميع للدعوة الي الحب والوئام ونترك الانقسام أرجو ان

تفي بغرضها ولا نحولها الي ساحة لزيادة الفرقة والانقسام

الفكري والشخصي ،، وسأكون أول المشاركين

تيجي نجرب ؟؟؟؟

نرجع زي ما كنا أخوات

ننسي الأنا وكلام الذات

ونعيش لأجل بلادنا جنود

نحضن بكرة وننسي ما فات ؟؟؟؟؟

تيجي نجرب ؟؟؟؟

تيجي نجرب

ننسي الجرح عويل واهات

ننسي خلافنا وكل مافات ؟؟

ونعيش لأجل بلادنا سدود

تمنع عنا سموم حيات ؟؟؟

تيجي نجرب ؟؟؟؟؟؟

تيجي نجَرّب ؟؟

تِقبل مِنّي..ما تُرفضنيشْ

بيني وبينك..مَلح وعيشْ

حِلمك حِلمي..وهَمّك هَمّي

خُد من دَمّي ياخويا وعِيشْ

تيجي نجَرّب ؟؟

تيجي نجَرّب ؟؟

نِكسر كُل حُدود الخُوفْ

ونعيش بالذّوق والمَعروفْ

إتعلّمنَا.. خلاص وفهمنَا

واللّي يعيش في الدّنيا يشوفْ

تيجي نجَرّب ؟؟

كلمات جميلة
ودعوة مشكورة جدا
سلمت يداك

تيجي نجرب ..
نبقى قلوب

صافيه وهادية
تحب ..تدوب
وتحن

تحس بجرح
حبيب بيأن

نضحك مش على بعض
نبكي ..ونشكي بس لبعض

نحب بجد

تيجي نجرب ؟؟؟

مهما خلافنا بعدنا بعيد

نرجع من أول وجديد

العصافير ترجع ع الشجرة

لحن يغني الايد ف الايد

تيجي نجرب ؟؟

تيجي نجرَّب ؟؟

نتعـَلّم نصبُر.. ونسامِحْ

نعشق بُكرة وننسى إمبَارِحْ

ونشوف العالم بقلوبنَا

ونحافِظ عـ الورد الطَارِحْ

تيجي نجَرّب ؟؟

تيجي نجَرّب ؟؟

ندعي بكُل ما فينا.. ياااااربْ

زيح عن مَصر مرار الكَربْ

نَجّي بلدنا من الخاينينْ

طَهّر فينا الرُوح والقََلبْ

تيجي نجَرّب ؟؟

تيجي نجرب ؟؟

تفتح قلبك وأفتح قلبي

ونصارح كل المتخبي

مصر بتنده من شدتها

انت وإخوك عايزاكم جنبي

تيجي نجرب ؟؟

تيجي نجَرّب ؟؟

نعرف إيه سِرّ الخلافَاتْ

ونواجَه بصَـراحَة الذّاتْ

ونكَمّل بالحُب طريقنَا

نمشي الخطوة بكُل ثبَاتْ

تيجي نجَرّب ؟؟

تيجي نجَرّب ؟؟

تيجي نجَرّب نَاخُد بالنَا

من أحلامنَا..ومستقبلنَا

نسمع صوت العَقل شويّةْ

وبلاش الخلافَات تشغِلنَا

تيجي نجَرّب ؟؟

تيجى نجرب ننصح بعض

من غير لوم ولا حتى نصد

نرتاح حبه تكون افكارنا

حاجه جميله وفيها الرد

تيجى نجرب؟

تيجي نجرب ؟؟

يبقي العنوان دايما مصر

علشان تبقي مراية العصر

ننسي الفرقة ونعمل ليها

نخرج بيها من نصر لنصر

تيجي نجرب ؟؟؟

تيجى نجرب لحظه جميله

تكسر دمع القسى ف عنينا

نمسك نجم السما ونقرب

يبقى طريقنا منور بينا

تيجى نجرب ؟

طب ونجرب بس ازاى

شاربين مر زمانا الجاي

خايفين لا الأيام تسرقنا

وتضيع ثورة دم الشهدا

وتحبس مصر بواحد شاي

هو العمر فيه كام تلاتين

لما نجرب يا موافقين

طب وبديلكم فين يا معارضه

توهي يا مصر مع التايهين

دعاء العطــار كتب:: هو العمر فيه كام تلاتين

لما نجرب يا موافقين

طب وبديلكم فين يا معارضه

توهي يا مصر مع التايهين

لِسّة العُمر براح قُـدّامَـكْ

لو كُنت مصَدّق أحلامَكْ

تقدر تعمل حاجَة مُفيدَةْ

تقدَر تهرب من أوهَامَكْ

دعاء العطــار كتب:: طب ونجرب بس ازاى

شاربين مر زمانا الجاي

خايفين لا الأيام تسرقنا

وتضيع ثورة دم الشهدا

وتحبس مصر بواحد شاي

الإنسان بيعيش يتعَلّمْ

مهما بيتَعب أو يتألّمْ

واللّي يجَرّب يفهَم أَكتَرْ

واليائس دايماً يستَسلِمْ

تيجي نجرب ؟؟؟

نبقي بجد لربنا أقرب

نمشي طريق نهضتنا الأصعب

نبني لمصر كمان أهرام

كل شيطان للفرقة حيهرب

تيجي نجرب ؟؟

تيجي نجرب ؟؟

شوية نقرب من بعضينا

نلبس بكره فرح عينينا

ننسي الماضي بكل ما فيه

نرسم بكره باحلي ما فينا

تيجي نجرب ؟؟

إسمح لي يا أستاذ محمود ..أن أقوم بتثبيت المساجلة حَتّي يُتاح للجميع المشاركة فيها

تيجي نجَرّب ؟؟

نِفهَم إيه اللّي مخوّفنَا

وبيغزل بالوهَم ظروفنَا

مين اللّي بيرسم ويخَطّطْ

ويخَلّي اليأس يكتّفنَـا

تيجي نجَرّب ؟؟

» الشاعر الكبير محمود خالد محمود
» مساجلة " ع المصطبة "
» هيا نقول الشعر"مساجلة بالفصيح "
» مساجلة فى حب الأقصى وفلسطين
» مساجله / العيد بيفوت والجيب ما فيهوش