ياعَم رُوح...رداً على(أحلام صعيدي)للشاعر أحمد سيد حسين

ياعم روح

ياعَم روح مش طالبَة هِزَارْ

لا تقولّلي أهلي ولا زمَالكْ

ولا غَاندي..ولا عُمر المُختَارْ

ياللّي إنتّ فرحان بجمَالكْ

هيّة السياسة بتـفتح بيـتْ

والشّعر بيجيب سمنَة وزيتْ

ولاّ إنتّ يعني عشان حَبيّتْ

هتكون مشاعرك راس مالَكْ؟؟

يا عَم فوق وبلاش أوهَامْ

واتغَطّى قبل ما تيجي تنامْ

أصل الجواز مش بس كلامْ

ولاّ إنتّ مش واخد بالك؟؟!!

أنا عاوزة شَبكة تكون ألمَاسْ

وتجيبلي شَـقة يا سيد النّاسْ

رَكّز معايا.. بلاش تحتَاسْ

عشان أكون أُم عيالَكْ

وعاوزة فَرحي يكون عـ النيلْ

وتجيب معاك فُستان تفصيلْ

والمَهـر في الأول يا جَميلْ

هيكون دَليل على أحوالَكْ

عيبك في جيبك يا بن النّاسْ

مش في المشاعر والإحسَاسْ

خلينا بَس... نحُطّ أسَاسْ

واختار بنفسَك ما بدالَكْ

حبيبي الشاعر الذي إفتقدناه سلامة رجب سلامة..إنت فين يا غالي غايب ليه عنّنا؟؟!!
أشكر لك مرورك الجميل

ههههههههههههههههههههههههههههههههه عمّي عادل عوض..ربنا يكرمك ياارب.. ولا مساجلة ولا حاجة ياعمّنا ده ردّ على إهداء الأستاذ أحمد سيد حسين..
دُمت بكل الخير يا أستاذنا

ههههههههههههههههههههههههههههههههههه حبيبي يا ابو حميد..بعض ما عندكم يا شاعر..يلاّ شدّ حيلك مُنتظر ردّك بكل شوووق..
تسلم يا صاحبي ياارب

صدقت والله يا صاحبي..فالحياه لا تحلو إلاّ مع الروح الطيبة فيما بيننا وإلاّ إستحالت جحيماً لا يُطاق..
أدام الله بيننا الودّ والتواصل على طاعته..

أختي الغالية..الشاعرة الجميلة سلوى سيد عبدالعزيز..كلام فريد الأطرش ده كااان زماااان يا ست الكُلّ..دلوقتي الراجل بيتوزن باللّي في جيبه..وإسأل مجرّرررب.. ههههههههههههههههههههههههههههه
أشكر لك مرورك الجميل..دُمتِ بكُل الخير والسعادة

ههههههههههههههههههههههههههههه ومين اللّي قالك بس إنّي مابآكلشي كرانشي..داانا باشرب بيريل كمااان ..(خلّيها في سرّك بقى)..
حبيبي الشاعر الجميل طاهر الصوفاني..نوّرت الدّنيا بمرورك العاطر

ههههههههههههههههههههههههه طب والله فكرة جميلة..أختي الحبيبة الشاعرة الرائعة دعاء العطّار..ما تيجي بجد نخليها مساجلة بدم خفيف تنسينا شوية هموم السياسة اللّي غرقنا فيها بقالنا فترة بس يلاّ شدّي حيلك وأنا معاكي..
تحياااتي يا شاااعرة

ياللّي كويتي بسُرَعة هدومِكْ

ورجعتي تشاهدي في ألبومِكْ

ناسية الأكل وجوزك جَاي

نفسه يلاقي الغَدا والشّاي

طَب هتشوفي البيت إزّاي

وإنتّي ياحلوة في أوضّة نومِكْ ؟؟!!

عَاوزة كمان تكتبي أشعَارْ

شاغلَة دمَاغِك باستمـرارْ

جَد شويّة.. وحَبة هِـزارْ

يمكن تنسي معاهَا همومِكْ ؟؟!!

روحي يابنتي الله يهديكي

قَبل الوقت ما يلعب بيكي

جوزك جاي بينادي عليكي

وبلاش يزعل..ولاّ يلومِكْ

ههههههههههههههههههههههههههه إستحملي بقى يا ست دعاء

أستاذنا الشاعر القدير دكتور مراد سليمان..ربنا يبارك في حضرتك ياارب..
بس على فكرة..أنا شرقاوي يا دكتور (لا قاهري ولا سَكَندري)..
دُمت بكُل الخير والسعادة

رِجلْ حمَار ؟؟ !!!

يا دي النيلة على الأشعَارْ

هنقضّيها نُكَت.. وهِـزَارْ

ونسيب أشغَالنَا ومصَالِحنَا

وهَننسى البَـرّاد عـ النّارْ

ودولابِك.. مِحتاج ترتيبْ

والصَالة.. مَلتها الكرَاكيِبْ

طب والنّبي يا دُعاء مش عيبْ

سايبة البيت هيولّع نَارْ !!!

هههههههههههههههههههههههه يابنتي قومي شوفي شُغل البيت

رِجلْ حمَار ؟؟ !!!

يا دي النيلة على الأشعَارْ

هنقضّيها نُكَت.. وهِـزَارْ

ونسيب أشغَالنَا ومصَالِحنَا

وهَننسى البَـرّاد عـ النّارْ

ودولابِك.. مِحتاج ترتيبْ

والصَالة.. مَلتها الكرَاكيِبْ

طب والنّبي يا دُعاء مش عيبْ

سايبة البيت هيولّع نَارْ !!!

هههههههههههههههههههههههه يابنتي قومي شوفي شُغل البيت

ههههههههههههههههههههههههههههههههههههههههههههه

مراية قِـزَازْ ؟؟!!!!

مش قَصدِك عـ اللّي كسرتيهَا

ومشيتي بسُرعَة وسيبتيهَا

قال إيه..علشان البوتجَازْ

وطفيتي البوتجَازعـ الحَلّةْ

وشربتي ساعتها من القُلّةْ

وسحبتي الكُرسي الهَزّازْ

وفتحتي المُنتدى وبدأتي

وكَأنّك ياختي ما صَـدّقتي

تهربي من بيتِك لجهَـازْ

ونسيتي المَكوة على جاكيتَّةْ

والساعة هاتدخُل على ستّةْ

وآهو جوزِك رااجع متغاظْ

ههههههههههههههههههه حرقتي الهدوم يا دعُاء..الله يسامحك