السياسة

عادل عوض سند كتب:

اخى الشاعر الجميل

جمال نصير

صدقنى ولا احد من الموجودين حالياّ يصلح لقيادة مصر .

والمنصب مازال شاغراّ . والشعب هو الذى يدفع الثمن .

نصك به العتاب والغضب اللازمان لتلك الفترة العصيبه .

مودتى وتحيتى ...

يا هلا بيك استاذ عادل.. تعرف لو حكم مصر فى الفترة دى ولمدة خمس سنوات مجلس من عشرة افراد فلن يفعلوا لمصر شيئ ... لان البلد منهوبة والشعب ال هتنفذ فيه خططك مغيب ومهمش من 60 سنة .. فالعملية مش عملية فرد واحد يحكم وهو مين الفرد دا .. الموضوع اكبر وبكرة الايام هتثبت كلامى.. مصر محتاجة من خمسة او عشر سنوات لتنصلح حالها.. بشرط نشتغل كلنا بس ونبطل التهريج ال بنعمله دا

نصك رائع كتبته بمزيج من الابداع والوطنية

قلت فيه صراحة كل ما نريد ان نقوله

ابدعت

أحمد رجب معيط كتب:

نصك رائع كتبته بمزيج من الابداع والوطنية

قلت فيه صراحة كل ما نريد ان نقوله

ابدعت

اخى احمد ... بحبك فى الله ... الاروع هو مرورك وقلبك الطيب.. شكرا على تشريفك لى بالمرور

عبدالعزيز المنسوب كتب:

الشاعر الكريم / جمال نصير

نص رائع يكشف بوضوح الحالة المصرية الحالية

ويفضح بهلوانات النخب التي تريد أسر عقول الشعب المصري ولكن هيهات

ستبوء مساعيهم بالفشل الذريع فمنصب الرئيس يمثل خيرتمثيل وليس شاغرا كما

يتوهم المتوهمون

سلمت يداك

اخى عبد العزيز... يحزننى ان اكتب هذه القصيدة لمصرنا الحبيبة .. فالسياسة من ضروريات الحياة ولكننا استخدمناها غلط... شغلتنا عن انفسنا وتتاجرنا بها وبعنا او فى طريقنا لبيع مصر ... بيعها بيد من يسمون انفسهم انقاذ.. وفى الحقيقة هم ينقذون انفسهم ومصالحهم الشخصية ولن اصدق منهم من يدعى انه يعمل لصالح مصر....والله سيكشفهم للجميع عاجلا وليس اجلا .. صبرا جميلا

رضا محمود كتب:

أخي الحبيب الشاعر المُبدع جمال نصير..إمتلكت زمام الفكرة وأطاعتك الحروف فرسمت هذه الصورة الرائعة ونقلت وجهة نظرك بكل وضوح في قصيدة مُكتملة البناء الشعري..
بارك الله فيك وحفظ مصرنا الحبيبة من شر الفِتن ما ظهر منها وما بطنْ

تُثبت بواسطتي لجمال الحرف وحُسن الصياغة

شاعرنا الجميل الكريم رضا .. لا اعرف هل اهنئ نفسى ام اهنئ المنتدى كله بوجودك هنا كمشرف ... انت تعلم أيئ فيك قبل الاشراف وفى شعرك كى لا يقال انى امدحك الان فقط على تثبيتك للعمل ولكن الله يعلم كم اثق فى امتلاكك لادواتك الشعرية وكم تعجبنى موهبتك ... شكرا اخى على تشريفك لى بالزيارة والتثبيت فو شرف لانه من شاعر يستشهد بشاعريته وموهبته.. شكرا لك من القلب والف الف مبروك

اخوانى واخواتى الاعزاء... اسمحوا لى فقد قمت بعمل بعض التعديلات البسيطة ومن باب الامانة وطمعا فى نصائحكم نشرتها هنا مرة اخرى لعلها تروق لكم..


السياسة

أه ه ه ه ... يا بلد
بقت البلد زى الفضا
مزحومة بنجوم ...ف السياسة ..وف الرياضة....
وف الغنا ..
والرقص والتمثيل .... وأيه... يا دى الهنا ..
لكنها...
رغم الزحام..
إل حرق دم البلد
الفقر لسه والجهالة والتفاهة ف دم ناس..
من غير عدد..
*****
بعض الرموز
فجأة وبانت وسطنا
ورموز تقيله .... ف حملها
من تقلها ..
حلت معاها وسطنا
*****
من ضمنها...
واحد خدعنا كلنا
باع الشهيد .. لما الرئيس قرر يحاكم من جديد ..
كل إل حطوا رجلهم .. فوق قلبنا
وبقالها دوله جوا دوله بأرضنا
*****
واحد خمورجى م الفلول
شارك فى خيبة ... مصرنا
ورموز كتير مالية البلد
ال قتل ..
وال نهب
وال رجع بينا لورا
كام ميت سنة
اصحاب قلم..
اصحاب نفوذ
اصحاب فلوس ملهاش عدد..
اصحاب كراسى اتحركت .. على جسمنا
والعرش كان فوق ضهرنا
شيلينه بادينا وهمومنا وقهرنا
*****
بقوا كلهم..
جبهة بتنقذ فى الوطن !!!
شوفتوا العفن؟؟
ييجى الحرامى .. والخمورجى .. والمتهته ..
وال تايه ف الوثن ..
علشان هينقذ شعبنا؟؟
من ايه ؟؟.. وليه ؟؟..فعلا زمن.....
وف اى درب ياخدنا فيه ... درب المحن؟؟
لو كان صحيح رسمين امل
وبحسن نية للوطن
حطولنا خطة للعمل
شوفوا المشاكل والعلل
بدل المناهدة والجدل
*****
من مين هينقذ مصرنا ؟؟
جيش التتار راجع لكم؟
او اسرائيل... عادت ودكت امنكم ؟
دول مسلمين .. ناس منكم
عايزين يعيشوا بربنا... مش زيكم
عايزين شيطان يحكم لكم
عايزينها زيطة وزنبليطة وسطكم
يا فجركم
*****
اصل السياسة اصبحت ..عند الجميع ..
لقمة حياة ..
قبل الوظيفة والمهيه والصلاة
بقى كله عايش بالسياسة ..وف السياسة ..
وف الشوارع .. والحوارى والكفور
وننام نقوم نحلم سياسة مسيسة .. زى البخور
الريحة شيئ..
لكنها... دخان بيتعب ف الصدور
*****
ماهى هى فوضى وال عايز ينشهر
يا دوب يقول " انا ثورجى "
أنا بالسياسة بشتغل
مش بالوظيفة وبالشهادة وبالعمل
والمشكلة..
كله بيسمع من أخوه .. أو من أبوه ..
أو بنت عمه وجدته ..
أو من صحابه وشلته
فيه حد فكر وبضمير ؟؟
فيه حد نور سكته – بأديه – عشان يقدر يسير؟؟
*****
ثورتنا نجحت لما كان للناس هدف
واتوحدت كل الصفوف لما النشيد كان يتعزف
ضاع النشيد
تاه الهدف
مات الهدف ..
واتفرقت كل الفرق
والسد ويا السيل.. جرف
أه ه ه ه يا بلد
من دى السياسة ومكرها
جالنا القرف
*****
جمال نصير فى 10/12/2012

م/عطية شواش كتب:

شعر جميل ووجهه نظر تحترم ..... تحياتي

شاعرنا صاحب الزوق الرفيع م/عطية شواش.. اين انت؟ مرورك تشريف فلا تحرمنا منك ومنه.. شكرا لك