من قفاه - طارق منيب

من قفاه
أصله مجرم أبن مجرم
فيه حرامي كبير حماه
موله باللقمة سهلة
حذره واداله مهلة
لو حتحرق راح حتقبض
لو حترفض روح معاه
نحرقك والنار بتولع
بعد لحظة الناس حتقلع
والزمن حيعود وراه

من قفاه
أمسكوا ولاد الزناه
وامسكوا العميل معاه
اللي خلى العيشة صعبة
واللي خلى قلوبنا راهبة
لو حتخضع يبقى ينفع
لو حتصمد بكرة تركع
والركوع هو البداية
والسجود للغير نهاية
ده السجود لله ورضاه

من قفاه
مش مهم الحزب أيه
المهم خرب أيه
اللي خلى الكلمة طلقة
واللي خلى مصر طالقة
والعريس أهو طار في لحظة
والعروسة لابسة طرحة
من سوادها الكل صدع
قولي بس إزاي حتقلع
والسواد عدى مداه

من قفاه
والطلاق مش بالتلاتة
والجواز مش بالغتاتة
والنسب عايز تروي
واختيار بالمعني يعني
قبل ماتناسب تحاسب
أصله فصله يكون مناسب
مش صناعة خارجية
ولا خاين للقضية
ولا جرجرنا وراه
.........................

اخى الشاعر الجميل

طارق منيب

لعن الله كل من حاول اشعال الفتنة وحاول الاقتتال

بين ابناء الوطن الواحد .

وهذا تصرف مرفوض من كل الاطراف .

والحساب قادم لامحاله ...

عادل عوض سند كتب:: اخى الشاعر الجميل

طارق منيب

لعن الله كل من حاول اشعال الفتنة وحاول الاقتتال

بين ابناء الوطن الواحد .

وهذا تصرف مرفوض من كل الاطراف .

والحساب قادم لامحاله ...

أخي وحبيبي وأستاذي عدولة

لاأملك إلى أن أقول

آمين .. آمين

والحساب سيكون في الدنيا والآخرة إن شاء الله

» بيرم منيب يعارض بيرم سند "مهداه للرئيس مرسي - طارق منيب
» هي كده.. لأ مش كده- طارق منيب
» حرب!!!!- طارق منيب
» خطر ..قطر- طارق منيب
» صعب....تشوفنى