قبل تقطيع الخريطة - طارق منيب

لموا شمل مصر أحسن
بكرة نندم عـ الخريطة
تيجي توصف حي شبرا
تلقى دولة بزرميطا

والمدينة حتبقى قرية
والأليط إبن الأليطة
راح يعود تاني ويحكم
نُص مصر بكل حيطة

بكرة تلقى أمن دولة
في كل طوبة وكل حيطة
بكرة برضه تقول لا حول
إسرائيل أكبر خريطة

مـ الفرات للنيل بتلمع
أصل مصر بلاد عبيطة
والعبيط أبن العبيطة
هو مسلم أو قبيطا

هي يعني شطارة أنك
ترمي قصر وتبني حيطة
ده الرئيس جوه بيحكم
والمهمة مش بسيطة

طب ماعارضه جوه قصره
مـن إذاعة طنط طيطا
اللي حاكمة الدنيا ياأهبل
بالعصاية والحديدة

ولابرضه روح وقوله
بس روح فـ الصناديقا
قوله صوتك وانت تحسم
مين ينفذ دستوريكا

سبني أخرف مش باجرف
ولا أحفر حفرة ليكا
فالواقع فـ بلدنا أصبح
لون دمار بنار حريقة

يبقى حاجنن وأنسى
والخيال هو الحقيقة
فالحقيقة صعبة دايماً
بادعي ربي يكون هديكا

أوعى تاخد أجرة ياأهبل
فالبلد محتاجة ليكا
أو تكشر أو تكسر
ده الأيادي حتقوى بيكا

طب ماتدي مصر عقلك
وأمشي حافي مع أبيكا
ده أنت لو فكرت لحظة
نلقى مصر عـ الخريطة
..............................

اخى الحبيب الشاعر

طارق منيب

عندما يكره الله عبداّ يسلط عليه عقله .

وبصراحه ما اكثر من غضب عليهم الله .

ومش عارف ايه اللى فكرنى بالمثل اللى بيقول :

عدو عاقل خير من صديق جاهل .

ربما من خرجوا علينا ليدافعوا عنه فأكثروا اعدائه بلفظهم وتسلطهم

فذكرونى ايضاّ بالدب الذى قتل صاحبه .

ربنا يهدى . ويصلح الحال ..

نصوصك اصبحت جميلة ولها نكهة معينة

نص ساخر يصف لنا حالنا المزري

ابدعت

عادل عوض سند كتب:: اخى الحبيب الشاعر

طارق منيب

عندما يكره الله عبداّ يسلط عليه عقله .

وبصراحه ما اكثر من غضب عليهم الله .

ومش عارف ايه اللى فكرنى بالمثل اللى بيقول :

عدو عاقل خير من صديق جاهل .

ربما من خرجوا علينا ليدافعوا عنه فأكثروا اعدائه بلفظهم وتسلطهم

فذكرونى ايضاّ بالدب الذى قتل صاحبه .

ربنا يهدى . ويصلح الحال ..

أخي الحبيب وأستاذي

عادل عوض سند

صدقني وحسب ماأراه

القضية لم تصبح انتماءات سياسية تتصارع

ولكن مشكل خونة وعملاء تندس وتدس وتستثمر

هذا الصراع إلى أقصى درجة

نعم.. والأدلة كثير على ذلك

هناك أيد آثمة عميلة تندس

وأدعي ربنا يسترها مع مصر

قبل تقطيع الخريطة

وقبل تقسيم مصر إلى أربعة دويلات

حسب الخطة الأمريكية اللي مش عارفة تنفذها منذ أن

وضعتها في عام 74 نظراً لصلابة النسيج المصري

وهي تقسيم مصر إلى دولة للنوبيين ودولة للمسيحيين

ودولة لبدو سيناء واللي يفيض لينا

ده لو فاض حاجة!!!

أحمد رجب معيط كتب:: نصوصك اصبحت جميلة ولها نكهة معينة

نص ساخر يصف لنا حالنا المزري

ابدعت

فخور بمرورك وتعليقك ياأستاذ/ أحمد

وأدعي لمصر