فوقوا بقى

فوقوا بقى
...................................
قبل المدنه ماتتردم تحت التراب
وجرس الكنيسه يتخرس ويبقى سراب
قبل البيوت والشوارع والحارات
ماتترعب من نور منور فى الضلام
قبل مانتخرس ويتمنع عنا الكلام
قبل بكره ما نكرهه
ونكره طلوع ليه نهار
قبل الحكايه ماتنتهى
فوقوا بقى
الحلم لسه ع البيوت
بيعلى صوته مافيش سكوت
بس ال بينا بيدفنه وهو حى
الحلم ليه بنقتله
عايزينه ليه كده يموت
حلم السنين
حلم السنين ال عاش جوانا ميت سنه
حلم السنين ال عشت احلم بيه انا
صوت الادان الله اكبر
وعم جابر عمال يكبر
يامسلمين حانت صلاه العصر
الله اكبر
الكل جوة الجامع رافعين اديهم
يارب مصر
اكتبلها الخير وكتر
واكتب بحق سيد البشر
فى اعظم سجل كل شهيد ضحى ومات
لجل البلاد تعلى وتكبر
مش ال مات ....مات بردو لجل البلد
لجل الجميع
علشان علم لونه اسمر اصفر احمر
والنسر شامخ لابينحنى
ولا ينتنى
ولا ينكسر
ولا عمره يوم راح يتئسر
مصر الوطن وطن الجميع
وال يقول غير كده
ربنا قادر يكسره
ويدمره
فوقوا بقى
احمد بيتربص لمحمود العنيد
وهنيه جالها عريس جديد
جاهز تمام
بس العريس ليبرالى علمانى مصرى
وابو العروسه شرطه الوحيد
من غير زينه فرحه
قاله حرام النور تقيد
قاله ياعمى الفرحه حلوة
ولاالحكايه بس تعقيد
قامت خناقه
طرد العريس
ايه الحكايه
فوقوا بقى
بصوا فى شوارع البلد
مصرى بيقتل مصريين
ومحرضين
طب على مين
على ابن دمى
على حته منى
سكت الكلام
ومافيش كلام
واخر كلام
فوقوا بقى
...................................
شاعر الحب
عبدالتواب الرفاعى

استاذ عبد التواب الرفاعي لأول مره منذ انقسمنا فرقتين وداخل كل فرقه آلاف الفرق وانا اقرأ هجوما من هذا على ذلك ومن ذلك على هؤلاء

ولأول مره أقرأ نص يخاطب الاثنين يدعو للاتحاد ولا يميل نحو أى من الطرفين لا ينحاز الا الى دم الشهيد

نص رائع رائع رائع في مضمونه

تحياتى أستاذي

وأطلب رجاء من المشرفين تثبيت هذا النص لأطول فتره ممكنه عله يجمع الشتيتين بعدما ظنا ألا تلاقي

شهادتك اعتز بيها
دعاء العطار
تحياتى

اشكر
مرورك
استاذ
عادل عوض سند

شاعرنا الجميل رضامحمود
واللهبحبشعرك جدا

لازم نفوق

للاسف مابقاش حد يبص لمعنى الكلام
امتى هيتثبتلى نص
رغم انى باخد جواتيز فى كذا حته ولا هناالحكام من اوروبا

عودة أخرى لنصك الجميل أستاذ عبد التواب

تحياتى

كم انت جميل حبيبى احمد رجب

مرور الشاعره
دعاء العطار على نصى مرتين شرف كبير

جميل ما قدمت استاذ عبد التواب

دعوة راقيه من قلمك
نساله سبحانه ان ينعم علينا بالامن الدائم امين

الشاعره الجميله
مشرفة الخواطر
بسمة الورد
نورتينى بطلتك على نصى المتواضع
شاعر مصر والحب