ندهت حبيبتى

موضوع: ندهت حبيبتى الأحد أكتوبر 28, 2012 4:24 pm

[center]ندهت حبيبتى قلت لها
بحبك من زمااان جدا
قعدت اوصف وأحكى لها
لحد الديك ما قام يدن
....
قالت يلاّ قوم روّح
أدينى سمعت للأخر
قلت لها يا ست الحسن
أنا عشقى مالوش أخر
قالت بجد مش بهزار
وقول دوغرى بلاش أعذار
معاك شقة..
فا قلت مفيش
معاك شغلة..
فا قلت مفيش
معاك حاجة
فا قلت أكيد
معايا قلبى وهوايا
قالت لى ماليش
واحساسى اللى جوايا
قالت لى ماليش
يا عم بلاش حبال دايبة
بلاش أحلام تكون خايبة
دموع العين راحت نازلة
قالت استنى انا نازلة
.................
قعدت مكانى مستنى
شريط عمرى قصاد منى
بدون تغيير
ومدت ايدها بالمنديل
أخدته وقلت انا ماشى
بحلم كبيير
قالت لفين
ضحكت وقلت يا حبيبتى
هاجيب شغلة
واجيب شقة
قالت لى منين
قلت لها مفيش غيره
أنا طالع على التحرير
[/center]

موضوع: رد: ندهت حبيبتى الأحد أكتوبر 28, 2012 6:18 pm

سعيدة بمرورى كأول حد يمر على القصيدة الجميله
أستاذ حمدى الشاعر
أحساس جميل و راقي جداااا

موضوع: رد: ندهت حبيبتى الأحد أكتوبر 28, 2012 6:20 pm

الشاعر حمدي شيبة كتب/

ضحكت وقلت يا حبيبتى
هاجيب شغلة
واجيب شقة
قالت لى منين
قلت لها مفيش غيره
أنا طالع على التحرير

*****************

يعني يا اخي الشاعر لو بعت ابني لميدان التحرير حيلاقي شغل ياريت

تقبل مداعباتي

جميل ما خطت يداك

______

موضوع: رد: ندهت حبيبتى الأحد أكتوبر 28, 2012 9:51 pm

نجاة الأيوبى كتب:: سعيدة بمرورى كأول حد يمر على القصيدة الجميله
أستاذ حمدى الشاعر
أحساس جميل و راقي جداااا

الاستاذة نجاة الايوبى انا الاسعد بهذا المرور الذى اعتقد انه اول مرور على اى من اعمالى المتواضعة والذى ارجو الا يكون الاخير تحياتى الخالصة

اخى الشاعر الجميل

حمدى شيبه

كنا نظن كما توهمت . ولكن طلع { نأبنا } على شونه

اردت ان توصل لنا ما تخيلناه اثناء وبعد الثوره .. ولكن ..

الظاهر برضه الشغل مش لينا والشقق مش لينا والامل مش لينا .

لنا الله .. وما من شيء افضل من ان يكون معك الله .

مودتى وتحيتى ...

نص رومانسي سياسي ساخر

فنان حقيقي

ابدعت يا استاذ

الشاعر الجميل..حمدي شيبه
هههههههههههه يابن الايه يا لعيب ..نص فـ الجول
تحيتي يا مبدع

حمدى شيبة كتب:: ندهت حبيبتى قلت لها
بحبك من زمااان جدا
قعدت اوصف وأحكى لها
لحد الديك ما قام يدن
....
قالت يلاّ قوم روّح
أدينى سمعت للأخر
قلت لها يا ست الحسن
أنا عشقى مالوش أخر
قالت بجد مش بهزار
وقول دوغرى بلاش أعذار
معاك شقة..
فا قلت مفيش
معاك شغلة..
فا قلت مفيش
معاك حاجة
فا قلت أكيد
معايا قلبى وهوايا
قالت لى ماليش
واحساسى اللى جوايا
قالت لى ماليش
يا عم بلاش حبال دايبة
بلاش أحلام تكون خايبة
دموع العين راحت نازلة
قالت استنى انا نازلة
.................
قعدت مكانى مستنى
شريط عمرى قصاد منى
بدون تغيير
ومدت ايدها بالمنديل
أخدته وقلت انا ماشى
بحلم كبيير
قالت لفين
ضحكت وقلت يا حبيبتى
هاجيب شغلة
واجيب شقة
قالت لى منين
قلت لها مفيش غيره
أنا طالع على التحرير
[/center]

[center]عمّنا الشاعر العبقري...حمدي شيبة..الله عليك وعلى أسلوبك المُميز وعلى نسجك للقصيدة بشكل يُسحر العقول من البداية حتى النهاية ملكت بكلماتك القلب والعقل والروح وخصوصاً خاتمة القصيدة التي جاءت كالمفاجأة لتعبر عن الشخصية الحقيقة لشاعرنا حمدي شيبة المهموم بجراح الوطن وأوجاعه حتى في لحظات عشقه وهيامه وعتابه للحبيبة....دُمت مُبدعاً شاعرنا