كركديه

كـركَديه..
لمّا يبقى الضغط عالى
أو مزاجــك إنــفعالى
والزهق مالى الليالى
تبقى محتاج كركديه..

لمّا ماتلاقيش سولار
بعد طوابير ليل نهار
ويسبقك كارّو بحمار
تبقى محتاج كركديه..

لو تروح كل الفلوس
ع المدارس والدروس
فين بقى ساس و يسوس
إشرب أحسن كركديه

لمّا تمسح ذكريات
ثورة قامت ع اللى فات
تبقى ناس ورا البويات
عايزانا نشرب كركديه

لمّا لسّه فى المرور..
الرشاوى فـ كل دور
بعد ثورة ع الشرور
معقول هانشرب كركديه!!

ياللى ماسكين المسائل
نفسى يفهم حد عاقل
إحنا كارهين السوائل
اللى من نوع (كركديه)

بقلم وعدسة :
علاء عبد المنعم

الشاعر الجميل

علاء عبد المنعم

زجل جميل بالفعل . واصارحك القول

سعدت بقراءته واحييك عليه .

مودتى وتحيتى ...

النص للتثبيت بواسطتى

تثديراّ للشعر والشاعر ...