اشواك صامدة

موضوع: اشواك صامدة الأحد سبتمبر 16, 2012 8:36 pm

مايفكروش دا عتاب
دا اكيد بجد حساب
من غصن من النيل شرب
شوكه سهام وحراب
****
العنوان
اشواك صامدة
**
هى الشجرة نفس الشجرة
كانت خضره وكان المولى بخيره ماليها
بس ابويا كان مراعيها
كان بيشمر توبه عشنها
وقبل ما يشرب كان يرويها
***
هى الشجرة نفس الشجرة
كانت خضرة وكات اغصانها تميل تتمخطر
والازهار بالسحر تاخدونا
وبتهدينا الكون متعطر
واما ابويا كان بيشوفها
كان بيسمى كتير ويكبر الله اكبر
كان بيخاف م الشرد عليها
كان فى جوانح صدره شايلها
كان بالروح والدم حاميها
الله اكبر والله اكبر
كانت سهم وصاب اعاديها
***
هى الشجرة نفس الشجرة
كانت خضره وكنا بنفخر دايما بها
ليه الظالم جار بنفوذه وايه هيعوزه
غير يتملك كل ما فيها
حما سنانه وسنقع بوزه
وجاب البرعم من شواشيها
واما استنفذ انواع طاقته
وكمان شطب عمر بطاقته
عمره ما فكر مره يطبب
جرح وغار فى الجزع طاويها
واللى ف باله وكان فى هواه
انه يورث للى معاه
ميت منشار ومقطع فيها
***
هى الشجرة نفس الشجرة
كانت خضره وليه الغول بغروره جرحها
بعد خدعها وبعد ما باعها
وبعد ما خدها ف كرشه بلعها
كان مش عارف شوكها وسمه
انه اكيد راح يهرى ف دمه
ويدوق له مرار العله
اللى مايقدر يوم يداريها
طب لو لف العالم كله
مش راح يلقى ولا هيلاقى
اى بيطار فى إيديه يداويها
***
هى الشجرة نفس الشجرة
كانت خضره وكانت خاليه من الحشرات
والازهار بتسير افكارنا
وف اوصافها نقول حكايات
واللى بيجى يزورها بيسجد
للى وهبها من الخيرات
ليه السوس من جوه نخرها
وتركهنا اصفار قدامنا
بس يادوبك سد خانات
والنهابه ف قوتنا تحول
واللى ما حول دق اساس
والسمسار له حصه الاول
زى ما خد برده النخاس
والبطال وياه كام ساقطه
ارخص واحده بتلبس ماس
والجلاد ده لازم ينهش
وبانيابه ف لحم الناس
كل داهومت متحوطينه
كان مساندهم ومسندينه
واللى يعارض يخرق عينه
يقضى حياته ف سجن مضلم
وف زنزانه بميت ترباس
وف جعبتهم كل الشجرة
وبقواننهم محميين
اللى بيهبش واللى بيهبر
واللى يحول بالملايين
واللى يجيب خبراء من بره
حتى ولو اسرائيلين
ومفيش مانع لو قاسموهم
دول خبرتهم فى الباستين
واللى زراعها واللى رواها
تلاتين عام محتاس فى الطين
شايف كل دا قدام عينه
لكن بس هيشكى لمين
كاتم صوته وجرحه بايده
مطعون قلبه بميت سكين
***
جرحه بينزف يعمل ايه
تاه مش لاقى علاج يداويه
لو راح يوصف الوان ظلمه
عمره الباقى دا ما يكفيه
***
هى الشجرة نفس الشجرة
كانت خضره وكان بيغرد فوقها الطير
ليه البوم جا وعشش فيها
وياخد خيرها ويدى الغير
ماهو كات لازم تحصل ثوره
ضد الظالم والمتغطرس
اللى ما عنده اى ضمير
***
واللى الشعب اختاره بنبل
جاى للظالم ومعاه حبل
يعنلى اكيد موته من اتنين
يا يموت مره لو هيموت
يا يعيش ميت جوه اسطبل
***
وتكون بكره اعظم شجرة
لجل جذورها المولى حاميها
يلا بشوق كلنا نحضنها
يلا بهمه كمان نرويها
وهتدينا الخير ولا تبخل
واحنا كمان بالروح نفديها
***
مين فى الكون عنها يشغلنا
ايه فى الكون بعدها يغنينا
داحنا ف شوق لزهورها تعطر
ولخيرتها تزيد وتمطر
والكروان بناشيده يغرد
فوق اغصانها بصوت يشجينا
***

محمد طايل
مرسى مطروح

اشواك صامدة 798642

أستاذ محمد طايل
حمدا لله على سلامتك يا رجل
مرحبا بعودتك
وحشنا شعرك الجميل
تحياتى و تقديرى

اخى شاعر مطروح الجميل

محمد طايل

حرفك وبصمتك واعمالك ولو لم تكتب اسمك

عليها لعرفناها . لك اسلوبك ومفرداتك ومواضيعك الخاصه

والتى تنسج منها ببراعه نصوصك الجميله .

احييك على بهاء حرفك .

مودتى وتحيتى ...

اخى وصديقى الاستاذ / عاطف الجندى
اشكرك على نبل اخلاقك واعذرنى ان كنت غير منتظم لعدم وجود كمبيوتر واتمنالك دائما التوفيق من الله
محمد طايل

اخى وصديقى الاستاذ / عادل
احيك دائما على لمساتك الجميله وكرم اخلاقك اللى ربنه ميحرمناش منها ابدا
واعذرنى عن الانقطاع هذه الفتره واتمنى لك التوفيق دائما من الله
محمد طايل