أعــــــــــذريــــــني

أعـــــــــــــــذريـــني
.................................
أعذريني انا ألف مره
قلت لا
مش هاعيش فـ بحور عذابك
واجري ابوس خطوة ترابك
لجل أحس بنبض قلبك
والقي فيه ذرة حياه
فيها إيه لو كنتي حبه
تنسي لحظات الأنا
خلي عينك تقرا شوقي
واللي حاسس بيه أنا
وانسي إحساسك بنفسك
اللي واخد كل وقتك
قلبي داب يصرخ لقلبك
والقي روحي تقول بحبك
وانتي روحك ....مش هنا
يجري إيه لو تطوي شطك
تحضنيني
وانتي عارفه جوه بحرك
يجري فيه نبضي وحنيني
غرقيني موتيني
بس خليني أحسك
مرسي دافي لموج سنيني
لملمي فيا المحبه وانثريني
واقطعي بعد المسافه ورجعيني
خلي روحي جنب روحك
ريحيني
بس لو ساكن فـ قلبك
نبضه حايره ...ابعديني
واقطعي نبضي فـ وريدي
وموتيني
مش هاعيش علي طول احبك
وانتي بعنادك وصدك
تهدمي فـ قصور
كرامتي وتجرحيني
فاعذريني أعذريني

ما اجمل البوح ما بين السطور

وما اجمل العتاب من محب

خلي عينك تقرا شوقي
واللي حاسس بيه أنا
وانسي إحساسك بنفسك
اللي واخد كل وقتك
قلبي داب يصرخ لقلبك
والقي روحي تقول بحبك
وانتي روحك ....مش هنا

الله .. الله

اري رضا فايد كسر كل الحدود

رائعة شعرية جديدة

اهنيك واحييك على ما كتبت

ابدعت

سلمت أناملك الرقيقه

الله علي الأغاني يا أبو الروض

أنا كدة ملتمس لك العذر في غيابك

لأنك جئت وفي جعبتك أغنية رائعة كعادتك

الله عليك .

اخى الشاعر المتجدد

رضا فايد

نص يحسب لك وانت كتبته بحرفية الشاعر المتمكن الواعى

لما يكتب . وموضوعك جميل وطريقتك فى وضع الجمل الشعريه

فى تناسق وانسجام اضاف للعمل البهاء والاكتمال .

احييك على نصك الجميل وحرفك الراقى .

مودتى وتحيتى ...

يثبت النص بواسطتى

بعد إذن الاخوة المشرفين

تقديراّ للشعر والشاعر ...

جميل ايها الشاعر الرقيق مااجمل هذا اللون من الشعر

وهو اصل العاميه ياريت نرحع له تاني

تحياتي ايها المتمكن

ما اروع تلك السطور الرائعه التى لا ينطق بها الا قلبا من ذهب
سلمت اناملك
تحياتى اليك الشاعر رضا فايد
حنين الحب

ياجااااااااااااااااااااااااااااااااااااااااااامد

جميله فعلا
كل التحايا لنغمات الحرف
مودتى

يجري إيه لو تطوي شطك
تحضنيني
وانتي عارفه جوه بحرك
يجري فيه نبضي وحنيني

رائع ذاك العتاب
والدفء الواضح بين الكلمات
تحياتى وخالص تقديرى

الشاعر البهي أ/رضا فايد
قرأتها هناك مرات ،وارتشفت شهدها هاهنا ،وبين هنا وهناك تبق الشاعر الذي ينسال شعره منه كالقطرة من فم السقاء ،وتنساب موسيقاه كالحرير

جميل يا عم رضا
أحييك على قصيدتك الجميلة جدا
تقبل ود أخيك

أعذرينى
كلمات جميلة شاعرنا أ/رضا
خرجت من رحم تجربة شعرية
سُكِبَت على صفحات القصيد
شكراً لمتعة القراءة
كل ودى