ياعاشق جمال النبى

ياعاشق جمال النبى
( موال سباعى )

***

ياعاشق جمال النبى ونفسك تزور بابــه

الزم طريق النبى وامشى على اعتابـــه

وادعى تنول الرضا منه ومن احبابــــه

وان جاد عليك ربنا بزيارة مكتوبــــه

صللى هناك بخشوع وادعى لنا بالتوـــه

داانت فى رحاب الحبيب والخطوة محسوبه

الفين صلا ع النبى وعلى آله وصحابـــه

***

الفين صلا ع النبى من قلبى بنطقهـــــا

علشان انول الضا فى الروضه ونطاقهـــا

ماان مش هاممنى تعب والزحمة طايقهـــا

قدرنا ياالله ع لسير بمنهاجـــــــــــه

واملا قلوبنانور من نوره وسراجـــــــه

وبحق اسراؤه يارب وبحق معراجــــــــه

احعله يشفع لنا وفى الاخرة يطقهــــــا

***

اجعله يشفع لنا عندك يارب الكـــــون

ياللى خلقت الكون بلفظ كن ف يكــــون

وحياة حبيبك محمد اعظم رسول فى الكون

حرر تراب قدسنا من كل اعادينــــــــا

واحمينا من ظلمنا مع نفسنا واهدينـــا

وانصرنا ع اللى طغى وحقق امانينـــــا

واغرس محبة رسولك فى كل جنس ولــــون

***
***

اخى الشاعر الكبير

فوزى الشربينى

زجليه سباعية الابيات جميله وكلها روحانيه رائعه

اللهم اجعلها فى ميزان حسناتك .

انت كتبت فى الشطرة قبل الاخيره :

{ وانصرنا ع اللى طغى وحطم امانينـــــا }

واظن هنا تريد ان تقول : وحقق امانينا ؟؟

مودتى وتحيتى ...

اخى العزيز وحبيب قلبى الشاعر الكبير المتألق دائما
الاستاذ عادل عوض

تحياتى وتقديرى وشكرا على مرورك الغالى والعاطر
وتعقيبك الجميل وملا حظتك الرائعة التى ارجو ان
تصححها وتنسق السباعيات بالمرة لانى اليومين دول خطى بقه وحش جدا مش بس فى الكتابة العادية لا وفى الكمبيوتر كمان . زهيمر دا والا ايه..

ودمت بكل خير ومحبة وسعادة .

اخى الحبيب الشاعر الكبير

فوزى الشربينى

تم تعديل الخطأ المنوه عنه . وتم تنسيق النص .

تحت امرك حبيبى ..

مودتى وتحيتى ...

احسنت القول استاذنا الغالي .... تسلم الايادي

تثبت بواسطتي.... تحياتي

اخى العزيز واستاذنا الفاضل الشاعر الكبير المتألق دائما
الباشمهندس عطية شواش

تحياتى وتقديرى وشكرى الجزيل على مرورك الغالى
والعاطر وشكرا جزيلا كذلك على التثبيت والتعقيب
الجميل الذى دائما يسعدنى ويعطينى دفعة للامام .

ودمت استاذنابكل خير وحبة وسعادة .

» بحب آل النبي
» موال فى حب النبى
» يا بخت من زار النبي شعر محمد البهنساوي
» الوحات
» لولا النبى .. شعر / محمود عبد الحليم