قالتلى بيع

وقالتلى
وقالتلى بيع
رديت بعلو الصوت بلهفة موت
برعشة جسم ملهوفه
وخايفه تفوت
تفوت العمر ويكفيكم
شر سنين العمر لما تفوت
ابيع ابيع ازاى ومين يقدر يتمنلى
سنين عمرى
وجريى ويا اصحابى فى عز الضهر
ولمة اكل غديوة جبنه قريش وبيض مقلى
ودود ف المش طعمه عمرى ما حسيته بانه مر
وبنت خالتى وهواها ونظرتها
وطلتها ورعشة جسمى لما كانت يوم بتمر
تنادينى تناجينى واتبرجل وعرقى منى يخر
ابيع ازاى دانا لسه يادوب حاسس انى
هفوق حاسس انى هروق
ابيع وان بعت
مين يضمنلى ايامى ال هعيشها
تكون حلوة
تفرحنى وليا تسر
ابيع انا موافق بشرط انك تشاركينى
سنين العمر
ابيع بشرط انك تخلينى حبيب العمر
وتيجى هنا تمضيلى
على خدى
وصل لمانه لحبى
وتمسكينى من يدى
وتضمينى وبقوة
وتبقى قويه وفتوة
لو الايام دى حاربتنا
ساعتها ابيع ابيع الكل
مادام الماضى ده بعنى
مادام الماضى خدعنى ابيع الكل
وابقالك بشرط
تقولى انى بحبك
وشرط كمان
تكون الكلمه قدام الكل
ساعتها هبيع وامضيلك على خدودك
وهكتب غنوه فى عودك
وهعدى انا حدودك
ويا عمرى نكيد الكل
ابيع الدنيا علشانك
وعنوانى اه عنوانك
يا احلى بسمه ف الدنيا
انا ليكى بقولهالك
شاعر الحب
عبدالتواب صبحى الرفاعى

انا ال ليا الشرف بمرورك
استاذمحمد عبدالواحد

الله ياعم عادل وعلى فهمك العالى انا قصدت
مصر والحبيبه لمن يحب

قلت استاذنك قبل ما ابيع
عمن الباشمهندس عطيه شواش
انت الكبير ولازم اخد رايك

اشكركم
لانى لن
اكون الا بكم

برافو عليكى سماء الرفاعى
انت فهمتى انا اقصد ايه