ابدا بنفسك عدِّل عيوبك

حافظ على فرضك
حافظ على عرضك
نيلك تراب ارضك
دا اللى بيحافظ عليهم
كل البشر تسترجلُه
ارفع ايديك
وقول يارب
فى كل وقت
ربنا لكل خير يستعجلُه
لما يكبر يوم ابوك
اوعاك تهينُه تبهدلُه
اوعاك تسيب
يوم شيطانك
يركبك
لازم بحسم تنزلُه
ولو يطاوعك
يوم شيطانك
مسيره جهنم
بئس المصير
دا منزلُه
اقتل شيطانك وأعزلُه
خلليه تمللى
يبقى عارف
يسيبك فى حالك
أعَز لُه
اللى يعرف
يوم شيطانه يقتلُه
ويا كُل من يوم الشيطان وَذ لُه
سارع بتوبتك
ارجع لربك مِد لُه
لو تتوب
عن كل ذنب
ربنا لآى ذنب يبدلُه
بدل ذنبك
تاخد حسنات
اضعاف كتير
مش بس زيُّه تعدِلُه
التوبه النصوح
تنور قلوبنا
ولطعم الحياه بتعسِلُه
تقتل شيطانك كل يوم
وتسلسلُه
الاختيار ما بين ايديك
يا امه جنه يا امه نار
ايهم فى الاختيار هتفضلُه
اوعى لكلامى
كلمه كلمه
اسمع بقلبك
لو وضع خاطىء
بص بعقلك فنجِلُه
نفسك فى مره تعدِّلُه
ابدا بنفسك
عدِّل عيوبك
اعرف مرارة التعديل
هل يا ترى
راح ييجى يوم
تتحمِلُه
امشى فى طريقك كمِّلُّه
واقعد مع نفسك
لِمُلك الله أِتأمِلُه
الخير فى قلبك اعمله
اوعاك فى يوم تِظَلِلُه
اكلك وشُربك
أوعى الحرام يتخلِلُه
اوعاك تناصر
مره باطل
اوعاك فى مره تحلله
دا زرعة الباطل
لو وسط خير هتشَلِلُه
لو ناوى خير
اوعاك فى مره تأجلُه
احسن الظن بخواتك
وسوء الظن فيهُم قلِلُه
اوعاك يكون
النهج باطل
يسكن فى قلبك
يملِكُه ينذل لُه
الباطل زهوق
لازم تفوق
مسيرُه زايل
مهما تشرحُه وتعَلِلُه
ارجع لربك
ارجع بقلبك
اوعاك ف يوم
تجنى عليه وتضَلِلُه
ربنا ميسبش ظالم
يديلُه فرصَه
ويمهِلُه
ظلمك ظلام
مفيهوش قمر يتخللُه
اياك تخون
تُنكُس على عهدك
او ييجى يوم وتأجِلُه
الدنيا مسرح
وانته الممثل
والدور ده ليك
انته الوحيد هتمثِلُه
اوعاك فى يوم
للشيطان تنشد لُه
اصل الحرام زاهى
الناس تمللى تبُص لُه
اوعاك تلاقى حد مره
ناوى خير وتكسِّلُه
ايدك بأيدُه
قوى قلبه
علشان يسارع يعمِلُه
وصلك كلامى
ولا الطريق منسَد لُه
كلا شىء لازم يزول
والباقى ربك والمُلك لُه

نص به النصح للطريق الاقوم

اخى عطيه

آن لك ان تهتم قليلاّ بموسيقى الشعر .

ومعرفة الاوزان لانها شطر النجاح .

مودتى وتحيتى ..

الف شكر ع النصيحه
والشعر مش مجرد قوافى
ووزن حافى
لكن الشعر مشاعر فسيحه
انا مش مقدم
عشان مسابقه
الوزن زايل والفكره ابقه
بص ع الافكار والصياغه
الحكايه مش اوزان
محنش ف صاغه
فكم من قصيده
اوسعت ف الشعر فراغه
وكم من قصيده
لاترقى فى قيمتها
قيمة جلد من بعد الدباغه
وكم من قصيده
ليس لها طعم ولا ريحه
وكم من قصيده
ابسط ما يُقال عنها قبيحه
وكم من قصيده
دون وزن
ولكنها تبدو مريحه
بالله عليك يا سند
اليست حجتى صحيحه
فخذنى تحت باطك
فما زالت اوزانى كسيحه
وما اكتب باوزان
لكن اكتب بقلبى
وتسعفنى القريحه

Very Happy