مسلوب إراده ياعين؟؟

مسلوب إرادة ياعين
وفقير من يومى
ولا أعرف معنى الكرامه
ولا ليا معاد نومى
ساعى على الارزاق
وربى بيرعانى
عايش ومش عايش
والوالى ناسينى
ابكى واقول يارب
تزهق دموع عينى
وإن قلت فين الحق
على السجن يودونى
سجان قليل الاصل
طلع كمان دينى
حرب وكانت ضروس
وقدر يغمينى
المشى جنب الحيط
والذل يخلينى
أصرخ فى ليل الآسى
ودموعى تواسينى
ولما هل الامل
وثوره تحررنى
الارنب الغضبان
زعل وخيرنى
مابين رغيف عيشى
وهم مستنى
ارنب بنص لسان
فى الاصل حاكمنى
أرنب لكن مكار
قدر يغيرنى
خلانى انسى الثوره
واقول ياريت ماكان
منعول ابوها حريه
وأعشق انا السجان
منعو عنى الميه
ومت أنا عطشان
يامين يقول للامل
يجى تانى لينا
شعب يحب الغلب
وكرباج يخلينا
نصرخ بعلو الصوت
ونقوله إكوينا

اخى الشاعر

مصطفى محمود

الامور لم تتضح بعد وننتظر الفرج من الله .

اسجل اول مرور واعجاب .

مودتى وتحيتى ...