لبلطجه بين المشايخ ف الفتاوى

البلطجه مش بالسيوف ولا بالمطاوى
البلطجه تسمع خبر
وتعمل رتوش وتنزل حكاوى
البلطجه انك
عشان المصلحه تعمللى حاوى
البلطجه بين المشايخ ف الفتاوى
واحد يقطع ذراع اخوه
عشان عاملله راندفو وشكله غاوى
البلطجه انك تكبَّر فى الاشاعه
وتعمل غناوى
والعبقرى جات له فكره
ملك اليمين
وهبت لك
ايوه قبلت
يا سلام يا شيخ يا فهلاوى
الشيخ فلان
عصر العبيد عايزه يرجع
طاب يا بنتك
او يا اختك
والله رايدك
وبجد ناوى
يا شيخ فلان هتكون موافق
ع الزواج
ولا حرام
اصل انته ترزى
تاخد فلوس تفصَّل فتاوى
جرى يا شيخ معتوه وسِمَّاوى
خلاص بقه بقيت نبى
والوحى كان جيلك سماوى
ولا قلت اخد حجر
واعمل دماغ
واقوللى فتوى
فى التى فى والجرايد والرضاوى
الفتوى ليها اهلها
والحمد لله لينا مفتى
يقدر يرد ع الهبل
وع العبط
وع اللى ف دماغه انخبط
رد عليه يا شيخنا يا قرضاوى

كل واحد قرا كتابين اصبح مفتى .

وده اللى بيفتت اسلامنا . ربعميت جماعه

وخمسميت مفتى . والازهر ركنوه وهمشوه .

لنا الله ...

ان هذا العلم دين فانظروا عمن تأخذوا عنه دينكم

اهل العلم والصلاح والتقوي معروفين كالشمس

واهل الباطل والهوي والبدع معروفين كالشمس

وقال النبي صلي الله عليه وسلم " قد تركتكم على المحجة البيضاء ليلها كنهارها لا يزيغ عنها بعدي إلا هالك، من يعش منكم فسيرى اختلافا كثيرا، فعليكم بما عرفتم من سنتي وسنة الخلفاء الراشدين المهديين عضوا عليها بالنواجذ .. "