الروح بتنهيدة

لساك بترفع للسما إيدك


وبتفتح الشباك في عينك للهوا يرسم ملامح ضحكتك


لساك بتتنهد.!


لما انت قاصد دعاء كروان


مين اللى قالك تتوجد صورة.!


مين اللى خلاك تنتظر شمس الحقيقة تشبكك؟!


مين اللى قالك ياأمير الحزن


إن القمر ممكن في لحظة يموتك.!!!


عجبي...


ولسه في الجراب ياما كتير حواليك


عيونك، ضحكتك، لمستك...


همسة نسيمك نِفسها تلقى الحنين حواليك


بس انت حاول ترفرف جوا من روحك


تلقاها لون السما ممدودة


طالبه إيديك.


وانت اللى من روحك عايش بتنهيدة...!!!

جميلة الفكرة والتشبيهات ومضمون عميق وجميل والعنوان مشوق

الله ينور يا شاعر من ابداع الى اخر باذن الله
تحياتى