وصفولي الحب

وصفولي الحب وعمري ما عشته

لاقيتني بحب ودايب على ريحته

ولاقيتني بطير من غير جناحات

بتنهد فى سكوت وبكتم فى آهات

ولاقيتني من غير ما بحب

دايب فى الحب

ساحراني عيون

ورموش وقلوب

وبقيت مجنون

بايت مغلوب

وعرفت إن انا حبيت

أنا اللي عمري ما حبيت

واتاريني جبان بهرب م الحب

خايف م الشوق واللوع والهجر

واخاف من عيني واخاف م القلب

أتمني أحب واخاف م الغدر

أهرب م الحب أروح على فين

وناره القايدة فى كل مكان

ضحاياه بالشوق اتنين اتنين

عاشقين ويقولوا كمان وكمان

السهد والليل وقمر الليل

الشوق والصبر ومر الويل

والفكر والتنهيد

واللهفة وقلبي وحيد

وندمي وعمري اللي فات

وصبري ع المر اللي آت

وشوقي واللهفات

وكلامي والسكات

واسوة الدقات

وحنية اللفتات

ليه بس قولتولي عليه

ووصفتولي ليه

وكان مالي بيه

ومالي بالآه

منكم لله

كلمات جميلة استاذ احمد
تسلم ايديك اخى الغالى
ومن جيد الى اجود
مودتى ياصديقى