كدابين الزفه مين؟!!!!!!!!!!!!!!!!!!!!!!!!!!!!!!!!

كدابين الزفه مين
اللى ليهم الف وش والف مله والف دين
مش وشوش سمره شقاها
الف حفره ع الجبين
و لا ورده فى المظاهره
ولا مجذوب الحسين
ولا صوت اتبح من
كتر الزعيق فى المفسدين
و لا مبدا صلب صدا
بس ما باسش الايدين
كدابين الزفه غنوه
ناكره حالها من يومين
شبه ناس ملامحها كلحه
سيبيا ناس متزلفطين
تلقا منهم فى الجرايد
فى البرامج
سلكانين
امتصاص الحلم اكبر
شغله مارسوها سنين
فاوعوا ع لحلم اللى نور
ياكلوه منكوا الزفافين

فاوعوا ع لحلم اللى نور
ياكلوه منكوا الزفافين

نصيحة غالية شاعرنا
واحسنت الابداع
ولك التحية
ودمت مبدعا رائعا

اخى الشاعر الجميل

رأفت المصرى

الشعب يمكن ان تخدعه مره .

ولكن صعب ان تخدعه مرتين .

ولهذا اقول الشعب قد فهم الكدابين ولايمكن ان يخدعوه

مرة اخرى .. نصك جميل واحييك عليه .

مودتى وتحيتى ...