أعذروا جيلنا

قالوا علينا جيل الغباء
ونفوا منا صفة الإنتماء
قالوا مستحيل نقدر على المسئولية
وقالوا إن عقولنا مش ذكية
وإن قلوبنا مش قوية
نفسى أسأل سؤال
عشان نبين ثقافة كل الأجيال
لما جيل يتعلم بالعصاية والحزام
ويوم ما يشتكى يبقى ملوش إهتمام
ويوم ما يتكلم...الكبير ما يوجهلوش إحترام
لما جيل قبل ما يتكلم أو يفكر
قبل ما يشعر أو يعبر
يتقال عليه جيل مش تمام
يبقى عايزينه يبقى إزاى
جيلنا يوم ما يغلط
تتمد له مية إيد بالحزام
ويوم ما يتعب من الحزام
يبقى قليل الأدب من غير كلام
قالوا علينا ملينا الأرض خناقات وشتايم
وإن الحب فينا مش دايم
طيب نعرف إيه غير العصبية والخناق
ولما جم يبنوا فكرنا
قالوا بالعصبية هيتم البناء
يبقى لازم تتحول العصبية لطريقة للتعامل
لازم تبقى واجهتنا للتكامل
لازم نسيب عالمنا الكئيب
ونعيش فى الفيس بوك الحبيب
لازم نحب الفيس على الكتاب
عشان الكتاب بيجيب العذاب
وحياتنا إتلخصت فى كلمتين
أهم كلمتين غلطة وعقاب
بس الغلطة غلطة ليه
عمرك ما هتعرف يا بيه
عشان كده مش هتتعلم ولا بعد سنين
أقولك إنسى وريح عقلك المسكين
إتعاقب وحاول تفرح قلبك الحزين

أستاذى عادل عوض أشكرك على مرورك الغالى الذى سعدث به كثيرا الفكرة فى موضوع الفيس والكتاب ليس من أهم ولكن الفكرة أن البعض قد يستخدم أسلوب الترهيب ليدفع أولاده لفتح الكتاب والمذاكرة وهذا خطأ وهذا هو ما أردت إيصاله للقارئ دمت بخير