انزل لتحمي ثورتك

للثائرالمصري الحر
ضد الظلم والقتل والطغيان والتفقير والتهميش والسرقة
اقول
إنزل لتحمي ثورتك
من كل فاجر موتك
من اللي خان ومن الجبان
صهيوني او ديل امريكان
انزل وكمل ثورتك
... ما تخلي حد في سكتك
شق بدماك نصرك طريق
... وبايد اخوك وبايد صديق
شبك بقلب ونن عين
ماتخلي فرق وبين وبين
... ... مصر الجريحة محتجاك
هتبان هنا وتبان هناك
ميدانك التحرير شهيد
اجري عليه واثبت و قيد
شمعك تنور مصرنا
جرحك يرمم جرحنا
احنا هنا وانت هنا
انزل وكمل ثورتك
ما تخلي حد في سكتك
الثورة بأديها العفية
هاتجيب نهاية البلطجية
خاينين وبايعين القضية
كمل طريق ثورة وكفاح
لا تبكي عل الجاي واللي راح
سلمية مش شايلين سلاح
لف الحبال في رقاب جريئة
قاتلة هترمينا في ضيقة
بوشوش صهاينة مش بريئة
انزل وكمل ثورتك
متخلي حد فسكتك
متسبش دم أخوك يروح
هيروح فطيس غدر ودبيح
دي مصر ملياها الجروح
فلول تقول من بق غول
متوحشين على دول ودول
اوعاك تصدقهم في قول
مصر التاريخ متحضرة
النُّصرة جيب متجيش ورا
محروسة بيك متغندرة
انزل وكمل ثورتك
متخلي حد في سكتك
من اللي خان ومن الجبان
صهيوني او ديل امريكان
إنزل وكمل ثورتك

دمتم مبدعين

دمتم ثائرين على الظلم منتصرين للحق والعدل والجمال

الشاعر الجميل الاستاذ الطنطاوي الحسيني

أهنيك علي هذا العمل الممتاز

الذي أعجبني جدا

واسمع الله صوتك لكل حر صادق في حبه لهذه البلد

كلمات جميلة اخى الكريم
دمت بحفظ الرحمن

يعنى ايه كوكاكولا زيرو

يعنى فى الفين و حداشر تهتف ضد عمر سليمان الشعب يريد اسقاط النظام و يسقط يسقط حكم العسكر و تيجى فى الفين و اتناشر تنتخبه رئيس جمهورية .

انا بطالب بطلب احاطة لتحليل ماء النيل علشان نعرف سبب الزهايمر الجماعى اللى عند الشعب

اخى الشاعر دمت بكل ود و راقنى جدا والله ما قرأت و لكن اغذرنى " انا مرارتى ما تتحملش هذا الفصام اللى عند بعض فئات الشعب "

دمت مهتما بقضايا الوطن

أخى الطنطاوي
تحية الألق و الجمال
أيها الشاعر الرائع
كتبت فكنت صادقا مع نفسك فصدقناك
لأنك عبرت عنا
دمت بخير

شكري للجميع واعود بإذن الله
لكل جميل بالجميل
تحياتي