قفِّل سجونك

قفِّل سجونك
قفِّل سجونك علِّي سورك
اوعى يهرب من ورا
الريح شمالي خلي بالك
والوجوه متغيرة
ان خف قيدك عل اللصوص
هتشوف عجب
دول عصبجية أونطجية
مستنين سيدهم سبب
والله ترجع بلطجية بسنجتو
يرجع بفتنة وجنبها قلة أدب
يادي المرار هوا انتو مشبعتوش تعب
كوم الوساخة والنتانة كان عاملي ابو لهب
رايتنا بعد الثورة بدأت تتعدل
هاتنكسوها و لا إيه متضعفوش
دم الولاد الآرض لسه مشربتوش
والجرحي بالآلاف لكن وحوش
والشعب اللي طول عمرو انهضم منه اتظلم
هوا الجيوش
عدي البحار و كمِّل الميل اللي باقي للنجاة
اسياده كان فاكرينَّا لعبة يلعبو طول الحياة
شافوها ثورة بيضة بإيد بلادنا مقشرة
او كورة طايرة حايرة هايبصوها مدورة
للي يوسخ ايدو في ايديهم ويلعب زيهم
دا مكانش فاكرين الشعوب صاحية وواعية للعبهم
لا المليارات جات باللي مات
كان اللي سارق لقمة كنت بتدبحو
علشان يعش اهله فكنت تريحو
(شدّوا الوثاقْ) لا مَنّْ أبدا أو فدا
الالاف من الشهدا وهنبعهم كده
مصر العفية مش هاترجع للسواد
لا فلوس تنسى الهم وسنين الحداد
والسجن لامثاله كفن وقتلو يريحو
لا تخافو من الجبنا دا ابطالنا شداد
بينا وبينهم في الشوارع معركة
ميدانا شاهد صاحي
وصحوته صرخة ميلاد
إياك تحن لمجرم الحرب اللي باع
كان قلبو برة وشعب من أعمالو ضاع
وغزة فين لما حاصرها لليهود
ودمانا فيها فوقتنا عالضياع
يالله اضحكو على مخة حبة وعشموه
فاضل لمصر الحرة حبة وتنعتق
ويكون رئيسها مننا بتجهزوه
شدو الخناق واخنق على رقاب الغجر
ريحنا مِ اللي باعونا وكل اللي فجر
ريحنا م الفقر اللي عشش عضمنا
ريحنا م المرض اللي واخد عمرنا
ريحنا م السرطان وم الفيرس كمان
ريحنا لا احنا منه لا ولاهُو مننا
ريحنا لا احنا منه لا ولاهُو مننا
ريحنا لا احنا منه لا ولاهُو مننا



دمتم مبدعين

الشاعر الكبير طنطاوى ايه الابداع الكبير ده احسنت

الابن البار@ضياء الادريسي كتب:

الله الله الله

ايها الشاعر الشاعر

حقا رائع

دام الابداع والرقي

اخي الكريم المبدع ضياء الادريسي الفاضل
سلام الله عليك
شكرااخي الفاضل على المرور الندي
والتعليق الجميل البهي
والحمد لله ان حازت رضاك وذائقتك