حاولت أرن الجرس

بأكتب قصايد ع الورق
وبغني بصوت مسموع
لاعمري بعت الوطن
ولاخوفت من جربوع
خلي البلد منسيه
خلي الكلام ممنوع
***
حاولت أرن الجرس
وأتصدا للجرزان
وأرفع إيديا وأقول
للظلم للطغيان
مهما الطريق مسدود
بكره الحقيقه تبان
***
البعض قال للاسف
هو البعيد إتجن
ماتسيب هموم الوطن
وأكتب لاهل الفن
شوفلك بقي سبوبه
بدل الزعيق والظن
***
أنا قلت رغم الألم
وسيادة الأحقاد
حفضل كده واقف
للظلم بالمرصاد
لا حسيب بلادي تضيع
ولاحاقبل في يوم أنقاد

م/ عطيه شكرا علي مرورك الكريم

أستاذ/ عادل شكرا علي مرورك الكريم