أُمِّ الفُلُول

حاجة كدة زي أم الخلول
مع تغيير المنفعة واقلاب الخاء فاء



أُمِّ الفُلُول

أم الفلول ولدت فلول
متقولي إيه المشكلة
عايزة تعود بسنين وسود
تاخد بلادنا في معضلة
الفل لاكبر كان دكر
حواليه دكور ومشكِّلة
بايع بلاده للغريب
قال ايه وعاملك طبيب
بيعالج اوجاعنا بذكا
يلغي المريض ويا المرض
عشان ميعديشي القريب
في الاقتصاد كان هوا فارس كلمته
وفي السياسة مين الي يكسر حجته
امريكا ابوه صهيوني أخوه
اما حثالة شعبنا دول جزمته
الا اللي يرضي سعادته زين
مين يعترض دا اصلو شين
اللعب بمخه لعبيتن
وودانه ونسلي العنين
وان متهمدشي يسجنه
لما البرومة تكفنه
اما الجيران مابقوش جيران
في مخه اعداء الزمان
دول في الجنوب
مع الجنوب في معضلة
سيبهم في ايد المعتدي
يتربو بعدين يرجعو
تايبين الم نازفين ندم
ونسى بقصر معزته
النيل كمان ووراه غيطان
اصل الغيطان بتأكل الشعب الفقير
وهوا ليه يوجع دماغه بالفقير او بالغفير
عايش ملك وبزنبلك
ومعاه عصابة م الفلول
عاش الملك يحيا الملك ابو زنبلك
قابل يا اخويا ام الفلول
في وسط غابة مشبكة
ووحوش وغول
راح جوزوهم رغم عصيان الاسد
اصل الاسد كبر و ضعفة كلمته
المشكلة داخد حبوب منع الخلف
لكن إرادة الله تكون
وتخلي بيها أم الفلول
تنجب فلول ملهاش عدد
والهرمونا ملت البلد
ويزيدو متوالية بمدد
يا حسرة صار ملو البلد
راح يهجرو الشعب اللي مات
ويعش على الخوف في الشتات
نص البلد سافرت تلقط رزقها
والنص بعد ما سمنوه
ام الفلول وأبو الفلول
دبحوه ودا كان حكمة حكيم
ان الفلول مش لاقية فول
لازم يحشو اللي بياكل اكلهم
عشان فلولنا يبقى باقي لكرشهم
اقصد عشان الفول يغذي بطنهم
قامت البقية الباقية من شعبي البطل
قال ايه وقامو بثورة بيضة منورة
طار فيها راسهم
والفلول كم حبة فلة صِغيَّرة
والباقي يخرب أو وينهب تلحقو
ماتلحقوا أصل الادين متكسَّرة
وأم الفلول لسة في داخل بطنها
مليون من الفِلَل اللي هاتجيبنا ورا
إلحق ياشعبي إمسك الخاين و فِل بيطعنك
قال ايه وراجع ده ويبقالك رئيس
لأ بطلودا واسمعوا اي اللي جرى
لآ بطلودا واسمعوا إي اللي جرى
الفل فايت وسَّعوله وزينولو المنْدرة
حطو على السجادة رشة دم من دم الولاد
و زينو الكرسي راسين أسدين شداد
من كام أسد راحو في ثورة مِغبَّرة
والكرسي يا شعبي لو صَغِير هنوسَّعه
عشان ما يتجعَّص وجنبه ما يوجعه
وتحت منه حط وجنبو ومن ورا
حبة قنابل ويَّا كابل الكهربا
مسطَّرة ومدوَّرة
ومعنقده ومشطَّرة
واعزم فلولو وكل مين يمسحلو جوخ
على حقو آه و شرفو دي حفلة مِحنطرة
ولا تنسى تعزم للسعادة أم الفلول
واضغط زنادك مرة وإنسى المعيَّرة
/
/
دمتم مبدعين متطهرين من الفلول كلها

عادل عوض سند كتب:

عندما يكره الله عبده يسلك عليه دماغه

ولانه طغى ونسى الله كانت نهايته كالحلم او قل الكابوس

قصيدتك ضمت القصه بكاملها وانت صغتها بمقدره وعنايه .

تقبل مرورى اخى الطنطاوى واحييك .

مودتى وتحيتى ...

اشكرك استاذنا الفاضل عادل سند
على المرور النبيل
والتعليق الاصيل
والحمد لله ان حازت رضاكم اخي وذائقتكم
تحياتي وتقديري