شايفك

شايفك بقيتي بتسرحي
وتقومي فجأه وتقعدي

وتمدي خطوه وترجعي
عماله ليه تترددي

مالك بقيتي تخوفي
وف كل موقف تضعفي

وانتي اللي كنتي بتحلفي
انك يا سمره هتصمُدي
....
فين اللي قولتي هتعمليه
لو حد فكر يكسرِك

وانتي اللي منك خليتيه
يدوس علينا ويقهرِك

واهو خد زمامك وامتلَك
وخلى حقك يُنتَهَك

ضحك علينا وخدرِك
وكل حقوقنا وسوحِك
....
ودهب وماس السُكري
راحو ف كروش العسكري

وابن اللئيمه المُفتري
عمال يبرطع بالقوي
....
يا مجلس الشعب انتفض
واعلن مراسيم الغضب

ابحث ودوَر عالسبب
خير البلد دي بيتنهب

ولو انتو ناصحين بالقوي
والبوز بيعرف يتلوي

سكتو ليه عن حقنا
ولا انتو فالحين في الشَغَب
.

الله يارضا يا عثمان

ارفع القبعه تقديراّ لك اخى الشاعر الجميل .

نص يحسب لك ويضيف الى رصيدك الكثير .

مودتى وتحيتى ...