صارحينى يا أمى

صارحينى يا أمى

لما أنتى أمى يا بلد يبقى أبويا مين
خلفتى منـّه كام ولد وخواتى مش باينين
أوعك تقولى أنـّه مات ف الحرب علشانِك
وأنتى بحنانك ضحـّيتى عشانى سنين
******
صارحينى كفايه خداع أبنك ماعدش صغيّر
بذياده عمرى إللى ضاع بين السنين متحيّر
حَرمانى طعم الحنان سايبانى فى وسط الشوك
حتى إللى قولتى أبوك طلع واطى ومتغير
******
لو ليّا عندك خاطر واللاأبن بطنك صحيح
قولى لى مين ف البلد ماسك بساط الريح
بيعطل الأنتاج ويزيد سنين العذاب
ويخبى دم الشباب وسط الميدان مجاريح
******
أشمعنه وقت الغلط مابتغفريش ذنبى
و حقى لما ضاع ما رحمتى يوم غلبى
وغيرى يسرق و المال معاه طمعان
وأنا بات جعان عشان الأمن متخبى
******
عايش أحّيى العلم وقول الرزق ف سماكى
ورضيت بزُل وألم جنب الحدود ف حماكى
وعيالى ربيتهم يحبوا الأرض وصحابه
سكنم ترابها وقالو الجنه فى رضاكى
******
تسوى كام كلمة ضنايا من لسان ام الشهيد
يعنى أيه كدب الحكومه كل يوم عمّال يذيد
يبقى ليه حكم العداله والنزاهه ف القضا
ساعة القضا ما يمدش أيده لكل أيد
******
مآنش يامّه الأوان تشاورى فين كومى
وتروى عطش السنين فى المر من يومى
وأحس طعم ألامان لو ليله فى الغربه
ساكن فى تربه وضاع الحلم م نومى
******
ليه لما أعاتبك وأثورطمعان تصالحينى
تطفى فى قلبى النور وتزيدى فى أنينى
وبتهدى خيرك لجلادى ليفسدوا الأيام
لو كنت أبن حرام ياريت تصارحينى
******

الزجال الجميل

السعبد جميل الزهرى

الموضوع عجبنى جدا .. وطريقتك فى معالجته

وطرحه رافتنى كثيراّ .

احييك على حسك الرائع وحرفك الجميل ..

مودتى وتحيتى ...

الاخ الاستاذ
احمد رجب
اشكر لكم مروركم الطيب
الذى اسعدنى وزان موضوعى المتواضع
لك كل تقديرى وتحياتى

الاخ الاستاذ
ابراهيم عبدالعزيز السمرى
شكرا لكم
على ثناؤكم الطيب
ودام مروركم الكريم
طبعا الامل موجود فى الغد المشرق
ان شاء الله
لكم التحية

جميل هو حرفك دائما

احسنت شاعرنا الرائع /السعيد جميل

احترامى واعجابى بقلمك

أسعدنى مروركم الكريم أستاذى
وأشكركم على على ردكم
وأن كان الكلام حلو فذلك بوجودكم
بين سطوره
خالص تحياتى