وطن سلف

حد يسلفني وش

أفتكر بيه ملامحي

حد يسلفني قلب

بيه أداوي جرحي


حد يسلفني عين

أشوف بيها حبايبي

حد يسلفني ودن

أسمع بيها المخبي


حد يسلفني أيد

أبني بيها البيوت

حد يسلفني بوق

أملي بيه السكوت


حد يسلفني جسم

ألملم فيه الألم

حد يسلفني أسم

غير اللي أتعدم


حد يسلفني دم

أملي بيه الوريد

حد يسلفني روح

أروح بيها بعيد



حد يسلفني فرح

أرسم بيه الوطن

حد يسلفني صبح

أدفن فيه الشجن


حد يسلفني زمن

غير اللي شوهناه

حد يسلفني وطن

غير اللي خربناه


حد يسلفني ناس

فاهمين ويفهمونا

حد يسلفني حياة

إذ ربما يموتونا


وأيه يعني موت

وأيه يعني حياه

لو الموت سكوت

يبقي الكفن حياه


حد يسلفني كفن

أكفن بيه القضية

ويقولي أيه التمن

قبر للعزة العربية

جميل أستاذ احمد

الشاعرة عزة الزرقانى كتب:

محدش ح يسلفك

عارف ليه

عشان اللىتعود ياخد وبس

عمره ما ح يعرف يدى

ولكنى اشكرك على موضوعك الجميل

دمت بحب وخير وسعاده

ان شاء الله هلاقي اللي يسلفني

متبقيش متشائمة كده

انا اللي اشكرك على مرورك الجميل

دمتي بخير وحب

عادل عوض سند كتب:

هههههههههههههههههههههههههههه

دا انت عايز تستلف بنى آدم كامل بقى ...؟؟؟؟؟

كلمات جميله يا ابو حميد

ابدعت فى فلسفة الشكوى والالم .

مودتى وتحيتى ...

ارجو ان اكون تلميذ نجيب

واعتبر هذا التعليق شهادة مرور

دمت بخير

mourad m. soliman كتب:

الشاعر الكبير
أحمد رجب

تحية طيبة

عندك حق
مش أعضاء سلف
إحنا محتاجين إستنساخ
لإننا هلكنا خلاص
لدرجة تساوى
الموت والحياة
حتى عند الشباب
نتيجة للقهر النفسى
الذى نعيشه
ولكن هذا الشعور
هو مولد الإنفجارات
والثورات
ربنا يستر على الوطن

مع أطيب التمنيات

ههههههههههههه

سعدت جدا بمرورك وتعليقك

عندك حق ربنا يستر

دمت بخير