ميت قرطاس

احلى ما فيك انك هجاص
قادر تبلف كل الناس
وتعممهم وتنمنمهم
وتلبسهم ميت قرطاس
وتخليهم فاكرين روحهم
اذكى واغلى واعظم ناس
احلى ما فيك انك طرطور
قادر انه يعيش الدور
يكسب مع كل الميسور
بواس خلى ايديه تنباس
ميزتك انك مش مفصول
عن زمانات السامرى وتور
ذهبه مدغدش عين الحور
رامى ف قلب الكل اساس
احلى ما فيك انك زفاف
قادر وشك يبقا الاف
ف اللحظايه الواحده وقادر
ترضى بروحك وانت مداس
عيش متهنى الله يهنيك
ولا يوعدنى اكون زييك
اكسب كل الدنيا بكدبك
واخسر نفسك عيش رقاص

اراك تقصد شخص بعينه

حرك داخلك تلك المشاعر

ولكن كلامك ينطبق على كثيرين

دام الابداع

دمت بخير

الشاعرة عزة الزرقانى كتب:

هههههههههههههههههههههه

والله روعه حرفك الرائع رأفت المصرى

وفعلا وبتعبر عن حال ناس كتير

لها كذا وجه

ولكنك صيغت الموضوع بطريقه رائعه محببه وسلسه

دمت رائع

استاذه عزه
شكزى لكم وتقديز للمزوز الجميل
احتوامى

جميل يا شاعر
أعجبنى أسلوبك الساخر
لأنه بطريقة ذكية و جميلة

النص دا عامل زي فن رسم الكراكتير
ربما سطحيا مضحك لكنه متعمق ساخر
أحسنت رسما وقولا
ودمت بخير

بسمة الورد
كل الشكر