أم الدنيـا

سألت روحي كتير

.....................ليه مصر أم الدنيا

لقيت الرد والتفسير

.....................والماضي رد عليا


سارة مراة الخليل

......................اهديته يوم هاجر

جابت منه اسماعيل

......................وم نسله النبي الآخر


أبو الأنبياء عربي

.......................ومراته مصرية

آخر نبي عربي

.......................ورسالته عربية


الأب عربي أصيل

........................والأم مصرية

النخل مروي بنيل

........................يطرحوا دنيا


الخليل وأبنه الذبيح

.......................وحفيده النبي العدنان

محروسة بالنص الصريح

........................فى الأنجيل وفى القرآن


يا مصر يا اللي ولادك

........................ما يعرفوش قيمتك

اعلي وافرسي حسادك

.......................وكملي رسالتك


دلوقتي بس عرفت

.......................ليه مصر أم الدنيا

وعلى حبها اتعلمت

........................م اللي علم الدنيا

ماهر حامد كتب:

لا وكما ن في تفاسير كتير

لان مصر
أم الخير وعشقها غية
وإزاي ننكر الجميل
وهي عروبيه
جمعت قلوب ملايين
حضانة وتكية
راعت الغني والفير
بالفعل والنية
ولاد بلد جدعان
وكمان أفندية
دي مصر أم الخير
دلوعه بلطية
لما تهز الجبيين
تغرق في حنية
دي مصر أم الخير
عتبة محليه

مساء الفل استاذ رجب تواصل سريع تأيدا لقلمكم الجميل

المبدع ماهر حامد

تعليق اغني نصي الفقير

سعيد بمرورك وكلامك

دام الود دمت بخير

[quote="عادل عوض سند"] [/quot
الاب والشاعر الكبير عادل سند

تمنحني دائما شعور ما للامام

كلما مررت على نص من نصوصي

وتعطيني الأمل فى الاستمرار فى الكتابة

احييك على رعايتك المستمرة

دمت بخير

الشاعرة عزة الزرقانى كتب:

تحيتى لك استاذ احمد

ولحرفك الواعى

والمحب بشغف لمصر نا ام الدنيا

دمت بحب

شرف مرور عزة الزرقاني

على نصي المتواضع يوم عيد

شاعرة كبيرة متواضعة احترمك

واحب كتاباتك شكرا سيدتي

دمتي بخير

شكرا للجميع